1 Samel 13:7 - Maktub gə́ To gə Kəmee

⁷ Ǝbrəje gə́ na̰je kara d’unda mán baa gə́ Jurdɛ̰ gaŋg d’aḭ d’aw ɓeeje gə́ Gad gə Galaad tɔ. Sawul ɓa nai Gilgal ɓəi ndá njérɔje lai gə́ nai rəa’g lé d’unda bala tigi-tigi.

1 Samel 13:7 ပူးပေါင်းရင်းမြစ်များ

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Tel tura Godndu 20:8

Ɓé-njérɔje lé d’a dəji boo-njérɔje ta gə́ kédé ɓəi pana: See na̰ ɓa to njeɓel lal kwa rəa kɔgərɔ wa. Maji karee tel aw mee kəi’g ləa nà ŋgakea̰je d’a ndaji kəmee tɔ.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 3:12

Togə́bè ɓa jeḛ n’taaje ɓeeje neelé gə́ ka̰ síjeḛ. Ma m’ar deḛ gə́ to Rubḛje, gə Gadje dɔ naŋg gə́ ḭ Aroer mbɔr baa gə́ Arno̰ ləm, gə ges mbal gə́ Galaad gə ɓee-booje ləa ləm tɔ.

Jujé 13:11

tɔɓəi Galaad, dɔ naŋg ɓee lə Gesurje gə Maakatje ləm, dɔ mbal’d gə́ Hermo̰ lai ləma, gə Basan lai saar teḛ ne Salka ləm tɔ,

Jujé 13:8

Ginkoji Rubḛje gə Gadje gə ges ginkoji Manasə gə́ nai lé d’iŋga dɔ naŋg gə́ né ka̰ dee-deḛ to gə́ Moyis gə́ to kura lə Njesigənea̰ ar dee ne kel tura baa gə́ Jurdɛ̰’g nu par gə́ bər kédé mba̰ lé:

Njéga̰g-Rəwtaje 7:3

Maji kari ila ta neelé mbi njérɔje’g pana: Maji kar yeḛ gə́ to njeɓel gə́ unda bala tigi-tigi ndá tel ɔr rəa dɔ mbal gə́ Galaad lé aw ɓee. Ndá dəwje tɔl-dɔg-loo-rɔ-joo (20.000) mbuna njérɔje’g lé tel d’aw ɓee ar ges dee gə́ nai to tɔl-dɔg-loo-dɔg (10.000) ba.

1 Samel 13:8

Yeḛ ŋgina ndɔ siri gə goo kwɔjee gə́ Samel wɔji lé. Nɛ Samel ree Gilgal el ɓəi ndá njérɔje sanéna̰ kad-kad rɔ Sawul’g.

1 Samel 17:11

Sawul gə Israɛlje lai d’oo ta lə dəw gə́ Pilisti neelé ndá ɓəl-boo unda dee badə gaŋg dee ar siŋgasa wa dee.

1 Samel 31:7

Israɛlje gə́ d’aar kel wəl-loo gə́ nee ləm, gə deḛ gə́ d’aar kel Jurdɛ̰’d gə́ nee ləm tɔ lé, loo gə́ d’oo to gə́ Israɛlje d’aḭ ləm, Sawul gə ŋganeeje d’wəi ləm tɔ ndá deḛ d’uba ɓee-booje lə dee d’ya̰ d’aḭ tɔ. Bèe ɓa Pilistije ɓa d’aw d’isi keneŋ tɔ.