1 Samel 13:5 - Maktub gə́ To gə Kəmee

⁵ Pilistije mbo̰ dɔ na̰ mba rɔ gə Israɛlje. Deḛ d’aw gə pusu-rɔje tɔl-dɔg (1.000) ləm, gə njérɔ gə́ gə kundaje tɔl-dɔg-loo-misa̰ (6.000) ləm tɔ, tɔɓəi njérɔje lé bula dum tura asəna gə nagəra gə́ to ta baa-boo-kad’g bèe. Deḛ d’aw d’wa loo-si dee Mikmas, par gə́ bər lə Bet-Aben.

1 Samel 13:5 ပူးပေါင်းရင်းမြစ်များ

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

2 Samel 17:11

Togə́bè né gə́ m’wɔji sí mba kar sí raje ɓa nee: to mba mbo̰ Israɛlje lai dɔ na̰’d rɔi’g un kudee Dan saar teḛ Beer-Seba ar bula lə dee to asəna gə nagəra gə́ ta baa-boo-kad’g bèe. I nja kara a kaw loo-rɔ’g tɔ.

1 Mbaije 20:27

Israɛlje kara tən njérɔje lə dee tura goo bula lə dee tɔ, deḛ d’iŋga nésɔje ndá d’ḭ d’ɔr rɔ d’aw rɔ gə Aramje. Deḛ d’isi d’wɔji dɔ dee njoroŋ asəna gə koso-bya̰je gə́ bula lam ba gel joo bèe nɛ Aramje ɓa bula taa ɓee pəl-pəl ya.

2 Sôrta Gḭka Israɛlje 1:9

Ɓasinè Njesigənea̰ Ala, maji kar ndukun ləi gə́ i un ar bɔm Dabid lé aw lée’g béréré ya mbata i am m’o̰ ɓee dɔ koso-dəwje gə́ bula digi-digi’g d’asəna gə nduji naŋg bèe.

Esai 10:28

Deḛ d’aw teḛ Ajat ɓa dəs d’aw Migro̰ ɓəi Ndá d’ya̰ nékodoje lə dee Mikmas.

Esai 48:19

Ŋgaka síje d’a bula kasəna gə babur bèe ləm, Ŋgan meḛ síje d’a bula to gə́ kandə nagəra bèe ləma, Ri sí kara a tuji pugudu nɔm’g el ləm tɔ.

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Ojee 10:5

Dəw-mee-ɓeeje gə́ Samari lé Meḛ dee a pélé wəs-wəs dɔ néndaji ŋgan maŋgje-je gə́ léḛ Bet-Aben’g, Koso-dəwje d’a kwa ndòo yoo magəpole lé ləm, Njékinjanéməsje ləa d’a ndəb pəd-pəd gə mbata ləa ləma, Gə mbata lə rɔnduba ləa gə́ a gə sané pa mbuna dee’g lé ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ojee 5:8

Imje to̰to̰ mee ɓee gə́ Gibea ləm, Imje to̰to̰ mee ɓee gə́ Rama ləm tɔ! Urje kò-rɔ mee ɓee gə́ Bet-Aben’g! Seḭ Bḛjamije, tenje goo sí ooje!

Njé gə́ Rɔmə 9:27

Esai kara loo gə́ yeḛ pata wɔji ne dɔ Israɛl lé yeḛ pata gə ndia gə́ tɔg pir ya pana: Lé Israɛlje d’a bula kasəna gə nagəra gə́ ta baa’g kara kawal dee ɓa a kaji ya.

Jujé 11:4

Mbaije neelé gə njérɔje lə deḛ lai d’ɔm na̰’d d’aw ar bula lə dee dum tura asəna gə nagəra gə́ ta baa-boo-kad’g bèe ləm, d’ar kunda-kaw-rɔje gə pusu-rɔje lə dee bula digi-digi ləm tɔ.

Jujé 18:12

Kelee gə́ dɔgel lé rəw-nimee ḭ ta baa gə́ Jurdɛ̰’g. Yee aw par gə́ dɔgel lə Jeriko ləm, dəs mee mbalje’g par gə́ dɔ-gó ləma, gə teḛ dɔdilaloo’g Bet-Aben’g ləm tɔ.

Jujé 7:2

Juje ula diŋgamje ar dee d’ḭ Jeriko d’aw par gə́ Ai gə́ to mbɔr Bet-Aben gə́ to par gə́ loo gə́ bər lə Betel. Yeḛ ula dee pana: Aw tənje loo mee ɓee’g neelé ooje. Ndá diŋgamje neelé d’aw tən loo mee ɓee gə́ Ai lé ya tɔ.

Njéga̰g-Rəwtaje 7:12

Madianje ləm, Amalekje ləma, gə njé gə́ Bər ləm tɔ lé yal na̰ pə mee wəl-loo’g, bula digi-digi to gə́ beedéje bèe ləm, jambalje lə dee kara dum tura to gə́ nagəra gə́ ta baa-boo-kad’g bèe ləm tɔ.

1 Samel 13:11

Samel dəjee pana: See ɗi ɓa i ra bèe wa. Sawul ilá keneŋ pana: Loo gə́ m’oo to gə́ dəwje sanéna̰ rɔm’g kad-kad ləm, i kara ree gə kàr kwɔji gə́ i wɔji lé el ləma, Pilistije kara mbo̰ dɔ na̰ Mikmas ləm tɔ

1 Samel 13:2

Tɔɓəi Sawul mbər njérɔje gə́ Israɛl as tɔl-dɔg-loo-munda (3.000) ndá ar deḛ gə́ tɔl-dɔg-loo-joo (2.000) d’isi səa Mikmas ləm gə dɔ mbal gə́ Betel ləm, ar deḛ gə́ tɔl-dɔg (1.000) d’isi gə Jonatan mee ɓee gə́ Gibea gə́ ka̰ Bḛjamije ləm tɔ. Ndá yeḛ ya̰ ges koso-dəwje gə́ nai lé ar nana kara aw kəi-kubu’g ləa-ləa.

1 Samel 14:23

Mee ndəa’g neelé Njesigənea̰ aji Israɛlje ndá ar rɔ aw kəmee gə́ kédé saar dəs Bet-Aben.

1 Samel 14:52

Ləbje lai gə́ Sawul si ne kəmba lé rɔ gə́ nuŋga kəd-kəd to mbuna dee-deḛ gə Pilistije’g ya. Loo gə́ kəm Sawul oso dɔ dəw gə́ siŋgá to kɔgərɔ-kɔgərɔ’g ləm gə to bao-rɔ ləm tɔ ndá léegəneeya yeḛ ɔree aree nai loo-kula’g ləa tɔ.

1 Samel 17:1

Pilistije mbo̰ njérɔje lə dee mba kaw rɔ ne ndá deḛ d’wa dɔ na̰ loo gə́ Soko gə́ to ka̰ Judaje. Deḛ d’wa loo-si dee mbuna Soko gə Ajeka’g, gə́ to Epɛs-Damim.

1 Samel 7:13

Togə́bè ɓa Pilistije d’ula dɔ dee ndá deḛ tel ree dɔ naŋg’d lə Israɛlje gogo el nja saar tɔ. Ndɔje lai gə́ Samel si kəmba lé ji Njesigənea̰ rɔ gə Pilistije ya.