1 Samel 13:2 - Maktub gə́ To gə Kəmee

² Tɔɓəi Sawul mbər njérɔje gə́ Israɛl as tɔl-dɔg-loo-munda (3.000) ndá ar deḛ gə́ tɔl-dɔg-loo-joo (2.000) d’isi səa Mikmas ləm gə dɔ mbal gə́ Betel ləm, ar deḛ gə́ tɔl-dɔg (1.000) d’isi gə Jonatan mee ɓee gə́ Gibea gə́ ka̰ Bḛjamije ləm tɔ. Ndá yeḛ ya̰ ges koso-dəwje gə́ nai lé ar nana kara aw kəi-kubu’g ləa-ləa.

1 Samel 13:2 ပူးပေါင်းရင်းမြစ်များ

2 Samel 20:1

Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

2 Samel 21:6

maji kar dee d’ar sí dəwje siri mbuna ŋganeeje gə́ diŋgam’g mba kar sí n’tɔ deeje tar no̰ Njesigənea̰’g mee ɓee gə́ Gibea’g lə Sawul, yeḛ gə́ Njesigənea̰ ɔree lé. Ndá mbai lé pana: M’a kwa dee kar sí ya.

2 Samel 23:29

gə Heleb, ŋgolə Baana, dəw gə́ Netopa, gə Itai, ŋgolə Ribai, dəw gə́ Gibea gə́ ka̰ njé gə́ Bḛjami,

Esdras 2:27

diŋgamje gə́ ɓee gə́ Mikmas d’as tɔl gə dɔ dee rɔ-joo-giree-joo (122),

Nehemi 11:31

Deḛ gə́ to ginkoji Bḛjamije lé d’isi un kudee Geba gə Mikmas gə Aja gə Betel gə ŋgan-ɓeeje ləa ləm,

Jujé 18:28

gə Sela, gə Elep, gə Yebus gə́ to Jerusalem, gə Gibea, gə Kirjat, d’as ɓee-booje dɔg-giree-sɔ gə ɓee-kogoje lə dee. Yee ɓa to dɔ naŋg lə ŋgaka Bḛjamije gə goo gel-bɔje lə deḛ gə́ d’iŋga gə́ né ka̰ dee lé tɔ.

Jujé 22:6

Togə́bè ɓa Juje tɔr ndia dɔ dee’g ndá ya̰ dee ar dee tel d’aw gə́ kəi-kubuje’g lə dee.

Njéga̰g-Rəwtaje 19:12

Ɓéeje lé tel ilá keneŋ pana: Jeḛ j’a kawje ɓee lə dəw-dɔ-ɓeeje loo gə́ Israɛlje godo keneŋ lé el nɛ j’a kaw saar Gibea ɓa.

1 Samel 10:26

Sawul kara tel aw kəi ləa gə́ Gibea’g tɔ. Kankəm dəwje gə́ Ala ra kula meḛ dee’g ɓa danee d’aw səa na̰’d.

1 Samel 10:5

Gée gə́ gogo ndá i a teḛ Gibea-Elohim, loo gə́ kudu njérɔje lə Pilistije d’isi keneŋ lé. Loo gə́ i a gə kandə mee ɓee-boo’g lé ndá i a kiŋga kudu-njéteggintaje gə́ d’ḭ dɔdərloo’g ləm, d’ɔr no̰ dee gə kṵdu ləm, gə dalè ləm, gə tébé ləma, gə kṵdu-ko̰dè ləm tɔ, tɔɓəi deḛ kara d’isi tegginta ləm tɔ.

1 Samel 13:1

Sawul lé ləbee as ... loo gə́ yeḛ tel to mbai ndá yeḛ o̰ ɓee dɔ Israɛlje’g as ləb joo.

1 Samel 13:11

Samel dəjee pana: See ɗi ɓa i ra bèe wa. Sawul ilá keneŋ pana: Loo gə́ m’oo to gə́ dəwje sanéna̰ rɔm’g kad-kad ləm, i kara ree gə kàr kwɔji gə́ i wɔji lé el ləma, Pilistije kara mbo̰ dɔ na̰ Mikmas ləm tɔ

1 Samel 13:15

Bèe ɓa Samel ḭta ndá ḭ Gilgal aw gə́ Gibea lə Bḛjamije. Sawul tən njérɔje gə́ nai səa ndá d’as dəwje tɔl-misa̰ (600) jén bèe.

1 Samel 13:16

Sawul gə ŋgonee gə́ Jonatan, gə njérɔje gə́ nai rɔ dee’g lé d’isi ɓee gə́ Gibea lə Bḛjamije ləm, Pilistije kara d’isi loo-si dee gə́ Mikmas’g ləm tɔ.

1 Samel 13:23

Kudu-njérɔje lə Pilistije kára ree d’isi béréré gaŋg loo dəs kaw gə́ Mikmas tɔ.

1 Samel 13:5

Pilistije mbo̰ dɔ na̰ mba rɔ gə Israɛlje. Deḛ d’aw gə pusu-rɔje tɔl-dɔg (1.000) ləm, gə njérɔ gə́ gə kundaje tɔl-dɔg-loo-misa̰ (6.000) ləm tɔ, tɔɓəi njérɔje lé bula dum tura asəna gə nagəra gə́ to ta baa-boo-kad’g bèe. Deḛ d’aw d’wa loo-si dee Mikmas, par gə́ bər lə Bet-Aben.

1 Samel 14:31

Deḛ rɔ gə Pilistije mee ndəa’g neelé un kudee Mikmas saar teḛ Ajalo̰. Njérɔje dao yaa̰

1 Samel 14:5

Yeḛ gə́ kára to gə́ kel dɔgel par gə́ Mikmas ləm, yee gə́ kára to par gə́ dɔkɔl, no̰ Gibea’g njoroŋ ləm tɔ.

1 Samel 14:52

Ləbje lai gə́ Sawul si ne kəmba lé rɔ gə́ nuŋga kəd-kəd to mbuna dee-deḛ gə Pilistije’g ya. Loo gə́ kəm Sawul oso dɔ dəw gə́ siŋgá to kɔgərɔ-kɔgərɔ’g ləm gə to bao-rɔ ləm tɔ ndá léegəneeya yeḛ ɔree aree nai loo-kula’g ləa tɔ.

1 Samel 15:34

Samel ɔd aw par gə́ Rama ləm, Sawul kara ɔd aw gə́ kəi ləa gə́ to Gibea gə́ ka̰ Sawul ləm tɔ.

1 Samel 24:3

Sawul mbər goŋ-rɔje mbuna Israɛlje’g lai d’as tɔl-dɔg-loo-munda (3.000) aw saŋg ne Dabid gə njérɔje ləa saar teḛ ne dɔ biri mbalje gə́ to loo-kaar-bya̰je gə́ wala.

1 Samel 26:2

Togə́bè ɓa Sawul ḭ aw dɔdilaloo’d gə́ Jip gə njérɔje gə́ Israɛl gə́ siŋga dee to kɔgərɔ-kɔgərɔ gə́ d’ur dɔ mar deeje’g d’as tɔl-dɔg-loo-munda (3.000) mba saŋg ne Dabid dɔdilaloo gə́ Jip lé.

1 Samel 8:11

Yeḛ pana: Aa ooje, néje gə́ wɔji dɔ mbai gə́ a gə ko̰ dɔ sí lé ɓa nee: Yeḛ a twa ŋgan síje gə́ diŋgam kunda dee gə́ njékal pusu-rɔje ləm, gə mbuna njérɔ gə kundaje’g ləa ləm tɔ mba kar deḛ d’aḭ ne no̰ pusu-rɔ’g ləa.