1 Samel 13:19 - Maktub gə́ To gə Kəmee

¹⁹ Mee ɓee gə́ Israɛl lai lé a kiŋga njekɔr kára kara keneŋ el mbata Pilistije pana: Ar sí j’ɔgje Ǝbrəje dɔ koo kiambasje’g əsé niŋgaje’g tɔ.

1 Samel 13:19 ပူးပေါင်းရင်းမြစ်များ

2 Mbaije 24:14

Yeḛ wa dəwje gə́ Jerusalem ya gə́ ɓər ləm, mbaije lai ləm, gə bao-rɔje gə́ njésiŋgamoŋje lai gə́ bula lə dee as tɔl-dɔg-loo-dɔg (10.000) ləm tɔ, tɔɓəi yeḛ wa njékḭja-kagje, gə njéra lar kudu tarəwje tɔ, ges dəwje gə́ nai lé to njéndooje gə́ mee ɓee’g ya ba.

Esai 54:16

Aa oo, ma nja m’unda njekɔr gə́ to njekula ndubu ləm, Gə njera nérɔ ləm tɔ, Nɛ ma m’unda yeḛ gə́ njetuji nérɔ lé tɔ.

Jeremi 24:1

Loo gə́ Nebukadnesar, mbai gə́ Babilɔn wa Jekonia, ŋgolə Jojakim, mbai gə́ Juda ləm, gə ŋgan-mbaije gə́ Juda ləma, gə njéra-kula-kagje gə njéra lar-kudu-ta-néje ləm tɔ mee ɓee gə́ Jerusalem aw sə dee Babilɔn mba̰ ndá, Njesigənea̰ am m’oo kandə kodéje mee karèje joo gə́ d’unda takəi’g lə Njesigənea̰.

Jeremi 29:2

loo gə́ Jekonia, mbai ləm, gə kea̰je ləm, gə njéko̰ɓeeje ləm, gə mbaije gə́ Juda gə Jerusalem ləma, gə njéra-kula-kagje gə njéra lar-kudu-takəije ləm tɔ lé d’unda loo mee ɓee gə́ Jerusalem teḛ mba̰ lé.

Njéga̰g-Rəwtaje 5:8

Deḛ mbər magəje gə́ sigi: Togə́bè ɓa rɔ to ne tarəwkɔgje’g. D’iŋga dər əsé ko̰ niŋga Rɔ njérɔje gə́ Israɛl gə́ tɔl-dɔg-loo-rɔ-sɔ (40.000) lé el.

1 Samel 13:20

Diŋgam gə́ rara gə́ Israɛl lé aw ɓee lə Pilistije ɓa tɔ ŋgaŋ kwɔs-maŋg ləa ləm, gə kwɔs ləa ləm, gə tina ləa ləma, gə marm ləa ləm tɔ.