1 Samel 13:14 - Maktub gə́ To gə Kəmee

¹⁴ Nɛ ɓasinè kuru ko̰ɓee ləi a kəw el. Njesigənea̰ ɔr dəw gə́ ḭ mée’g ndá yeḛ wɔji karee to mbai dɔ koso-dəwje ləa mbata i lé i aa dɔ godndu Njesigənea̰ gə́ yeḛ un ari lé el.

1 Samel 13:14 ပူးပေါင်းရင်းမြစ်များ

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

2 Samel 6:21

Dabid tel ila Mikal’g pana: To no̰ Njesigənea̰, yeḛ gə́ mbərm undam gə́ mbai dɔ koso-dəwje’g lə Njesigənea̰ gə́ to Israɛlje lé ləm, gə no̰ yeḛ gə́ undam dan kəmee’g unda bɔbije gə njémeekəije ləa lai ləm tɔ lé. To no̰ Njesigənea̰ ɓa ma m’al rɔm keneŋ ya.

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

Pakɔsje 78:70

Yeḛ mbər Dabid, kura ləa lé Oree loo-kaar koso-nékulje’g.

Gosota-Kəmkàrje 27:24

Mbata nébao a to gə no̰ el ləm, Dɔgugu-mbai kara a to saar-saar gə no̰ el ləm tɔ.

Esai 39:5

Yen ŋga Esai ula Ejekias pana: Maji kari oo ta gə́ Njesigənea̰ lə bao-rɔje pa lé:

Néra Njékaḭkulaje 13:22

Tɔɓəi loo gə́ yeḛ uba Sawul yá̰ ndá yeḛ tel ɔr Dabid gə́ mbai lə dee aree ɔr goo taree pana: Neḛ n’iŋga Dabid, ŋgolə Isai dəw gə́ ḭ mee neḛ’g gə́ a ra torndu neḛ karee ɔr rɔd.

Néra Njékaḭkulaje 7:46

Dabid lé taa kəm Ala rəgm ndá yeḛ dəjee gə mba kunda kəi mbata Ala lə Jakob lé.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

1 Samel 15:23

Mbata kalta lé to kaiya gə́ to asəna kára ba gə ndo̰ ər ləm, kɔs ta rəw lé to asəna kára ba gə néra gə́ gə dɔ najee el ləm tɔ. Bèe ndá to gə́ i mbad ta lə Njesigənea̰ lé yeḛ kara a mbad kari to mbai lé tɔ.

1 Samel 15:26

Samel ula Sawul pana: M’a tel kaw səi el. Mbata i mbad ta lə Njesigənea̰ ndá Njesigənea̰ kara mbadi tɔ, ndá i a to mbai dɔ Israɛlje’g el ŋga.

1 Samel 15:28

Ndá Samel ulá pana: Ɓogənè, Njesigənea̰ wa ɓeeko̰ lə Israɛlje jii’g wɔgədɔ ɔr ndá yeḛ ar mari gə́ raŋg gə́ maji undai lé gə́ né kea̰ yeḛ ya tɔ.

1 Samel 16:1

Njesigənea̰ ula Samel pana: See ndɔ gə́ ra ɓa i a kəw rɔi no̰ gə mba Sawul wa. Ma m’ubá m’yá̰ gə mba karee o̰ ɓee dɔ Israɛlje’g el ŋga. Ɔm ubu ku-gaji-da’g ləi aree rusu ndá aw: m’a kulai ɓee lə Isai, dəw gə́ Betlehem, mbata ma m’oo ŋgon kára gə́ mbuna ŋganeeje’g, yeḛ gə́ ma m’ndigi karee to mbai lé.

1 Samel 16:12

Isai ula kula ɓaree aree ree. Yeḛ lé kas pèl-pèl ləm, kəmee turu sia̰-sia̰ ləma, kura yaa̰ ləm tɔ. Njesigənea̰ ula Samel pana: Ḭta, wa dəa gə ubu mbata to yeḛ ya!

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.

1 Samel 24:20

Ɓó lé dəw iŋga njeba̰ ləa rəw’g ndá see a kyá̰ karee aw loo ləa gə meekulɔm wa. Maji kar Njesigənea̰ daai gə né mbata maji gə́ i ra səm ɓogənè lé.

1 Samel 25:30

Loo gə́ Njesigənea̰ a ra gə mbai ləm némajije lai gə́ yeḛ ulai taree lé ndá yeḛ a kundai gə́ mbai dɔ Israɛlje’g ya

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.