1 Samel 13:12 - Maktub gə́ To gə Kəmee

¹² ndá m’ə̰ji m’pana: Pilistije d’a gə́ ree ɓugu na̰ dɔm’g Gilgal’g nɛ ma m’ra ndòo rɔ Njesigənea̰’g el ɓəi! Yee gə́ bèe ɓa m’ḭ ne gə dɔrɔm m’inja ne nékinjaməs gə́ ka̰ roo lé gə mbəa.

1 Samel 13:12 ပူးပေါင်းရင်းမြစ်များ

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Amɔs 8:5

Seḭ pajena: See ndɔ gə́ ra ɓa naḭ gə́ sigi a dəs Mba kar sí ndogoje kó lé wa. See ndɔ siri lé a godo kàr gə́ ban ɓa Mba kar sí j’ɔr kó dàmá Mba kaw ndogo wa. J’a rəmje gə nékwɔji-né ləm, Laree kara j’a karee ḭ dɔ maree’g ləma, J’a kərje kəm dee gə nékwɔji-né gə́ ŋgɔm ləm tɔ,

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

1 Samel 13:11

Samel dəjee pana: See ɗi ɓa i ra bèe wa. Sawul ilá keneŋ pana: Loo gə́ m’oo to gə́ dəwje sanéna̰ rɔm’g kad-kad ləm, i kara ree gə kàr kwɔji gə́ i wɔji lé el ləma, Pilistije kara mbo̰ dɔ na̰ Mikmas ləm tɔ

1 Samel 13:13

Samel ula Sawul pana: I ra némbə mbata i aa dɔ godndu gə́ Ala ləi gə́ Njesigənea̰ un ari lé el. Ɓó lé i aa dɔ godndəaje lé ɓa bèe ndá Njesigənea̰ a gə kar ko̰ gə́ i o̰ ɓee dɔ Israɛlje’g lé to njaŋg gə no̰ ya.

1 Samel 15:12

Yeḛ ḭ gə ndɔ rad mba kaw kiŋga Sawul. Ndá deḛ ree d’ulá pana: Sawul aw Karmel ndá aa oo, yeḛ unda nékolé-mee dəa-yeḛ’g keneŋ tɔɓəi yeḛ tel ree ndá dəs aw gə́ kédé lam ɓa teḛ Gilgal ɓəi.

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.

1 Samel 21:7

Yen ŋga njekinjanéməs lé aree muru gə́ d’unda gə kəmee lé mbata muru gə́ raŋg godo. To muru gə́ to gə kəmee gə́ d’un no̰ Njesigənea̰’g gə́ raŋg gə mba kar yeḛ gə́ nuŋga mee ndəa’g neelé taa toree.