1 Samel 12:8 - Maktub gə́ To gə Kəmee

⁸ Loo gə́ Jakob ree Ejiptə mba̰ ndá bɔ síje-je no̰ ɓar Njesigənea̰. Bèe ɓa Njesigənea̰ ula Moyis gə Aaro̰ ar dee d’ar bɔ síje-je d’unda loo mee ɓee’d gə́ Ejiptə teḛ ləm, d’ar dee d’isi loo gə́ nee’g ləm tɔ.

1 Samel 12:8 ပူးပေါင်းရင်းမြစ်များ

Pakɔsje 105:44

Yeḛ ar dee dɔ naŋg lə ginkoji dəwje gə raŋg lé ləm, Néje gə́ koso-dəwje d’iŋga loo kula’g lə dee lé kara Yeḛ ar dee-deḛ ɓa d’iŋga gə́ né ka̰ dee ya ləm tɔ.

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 6:26

Aaro̰ deḛ gə Moyis neelé nja ɓa Njesigənea̰ ula dee ta pana: Arje Israɛlje d’unda loo mee ɓee gə́ Ejiptə teḛ gə goo bao-rɔje lə dee lə dee.

Bula lə Israɛlje 20:15

Bausije-je d’aw mee ɓee gə́ Ejiptə ləm, jeḛ j’isije keneŋ kur sí əw ləm tɔ. Nɛ njé gə́ Ejiptə lé ra sə sí majel, jeḛ gə bɔ síje-je lé tɔ.

Néra Njékaḭkulaje 7:15

Jakob ḭ aw Ejiptə ɓa wəi keneŋ, bɔ síjeḛ-je kara d’wəi keneŋ ya tɔ.

Jujé 1:6

Wa rɔi kɔgərɔ ləm, gə wa diŋgam məəi’g ləm tɔ, mbata i nja ɓa a kar dəwje neelé taa ɓee neelé gə́ ka̰ dee-deḛ to gə́ ma man ne rɔm m’ar bɔ deeje-je gə mba kar dee lé ya.

Jujé 21:43

Togə́bè ɓa Njesigənea̰ ar Israɛlje ɓee lé gə lé bura moŋgoŋgo̰ to gə́ yeḛ man ne rəa gə mba kar ka deeje lé, deḛ taa ɓee neelé gə́ né ka̰ dee-deḛ ləm, d’isi keneŋ ləm tɔ.

1 Samel 10:18

Ndá yeḛ ula Israɛlje pana: Njesigənea̰ Ala lə Israɛlje pa togə́bè pana: Neḛ n’ar Israɛlje d’unda loo mee ɓee gə́ Ejiptə’g teḛ ndá neḛ n’ɔr dee ji njé gə́ Ejiptə’g ləm, gə ji ɓeeko̰je lai’d gə́ d’ula kəm dee ndòo ləm tɔ.

1 Samel 12:6

Yen ŋga Samel ula koso-dəwje pana: Njesigənea̰ ɓa ɔr Moyis gə Aaro̰ unda dee ɗaŋg ləm, yeḛ nja ɓa ar bɔ síje-je d’unda loo mee ɓee gə́ Ejiptə teḛ ləm tɔ.