1 Samel 12:6 - Maktub gə́ To gə Kəmee

⁶ Yen ŋga Samel ula koso-dəwje pana: Njesigənea̰ ɓa ɔr Moyis gə Aaro̰ unda dee ɗaŋg ləm, yeḛ nja ɓa ar bɔ síje-je d’unda loo mee ɓee gə́ Ejiptə teḛ ləm tɔ.

1 Samel 12:6 ပူးပေါင်းရင်းမြစ်များ

Pakɔsje 105:26

Yeḛ ula Moyis, kura ləa Deḛ gə Aaro̰ gə́ yeḛ nja ɔr dee.

Pakɔsje 105:41

Yeḛ ta̰ kaar mbal ar mán teḛ keneŋ Man lé ula gɔl-gɔl taa loo yal-yal To gə́ mán baa gə́ ula looje gə́ tudu kurum-kurum’g lé bèe.

Pakɔsje 99:6

Moyis gə Aaro̰ mbuna njékinjanéməsje’g ləa ləm, Samel kara mbuna deḛ gə́ no̰ ɓar ria’g lé ləm tɔ Deḛ neelé no̰ ɓar ri Njesigənea̰ ndá Yeḛ ar dee né gə́ deḛ dəjee lé ya.

Teḛ-Raga 6:26

Aaro̰ deḛ gə Moyis neelé nja ɓa Njesigənea̰ ula dee ta pana: Arje Israɛlje d’unda loo mee ɓee gə́ Ejiptə teḛ gə goo bao-rɔje lə dee lə dee.

Teḛ-Raga 6:27

To deḛ nja ɓa pata d’ar Parao̰, mbai gə́ Ejiptə gə mba kar Israɛlje d’unda ne loo mee ɓee gə́ Ejiptə teḛ lé. Deḛ ɓa to gə́ Moyis gə Aaro̰ neelé ya.

Ojee 12:13

Jakob aḭ aw ɓee gə́ Aram ləm, Israɛl ra kula mba taa ne dené Gə mba taa ne dené lé ɓa Yeḛ ul ne koso-nékulje.

Misee 6:4

See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.