1 Samel 12:3 - Maktub gə́ To gə Kəmee

³ Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.

1 Samel 12:3 ပူးပေါင်းရင်းမြစ်များ

2 Samel 22:22

Mbata ma lé m’aa dɔ rəwje lə Njesigənea̰ kər-kər ya. Ta kára kara wa dɔm no̰ Ala’g lé ləm el.

Nehemi 5:11

Ɓogənè ya, maji kar sí ar deeje ndɔje lə dee gogo ləm, gə ndɔ-nduúje lə dee ləm, gə kag-koiyoje lə dee ləm, gə kəije lə dee ləma, gə né gə́ taa manee dɔ’g gə́ wɔji dɔ lar gə kó gə mán-nduú gə́ sigi gə ubu gə́ seḭ taaje ji dee’g gə siŋga sí lé ləm tɔ.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Teḛ-Raga 20:17

I a ra kəmkəḭ dɔ kəi’g lə mari el, i a ra kəmkəḭ dɔ dené’g lə mari el ləm, a ra kəmkəḭ dɔ kura’g ləa gə́ diŋgam əsé yeḛ gə́ dené’g, əsé dɔ maŋg’g ləa əsé dɔ mulayḛ̀je’g ləa əsé dɔ né gə́ rara gə́ to ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

Teḛ-Raga 22:4

Ɓó lé dəw tuji né gə́ mee ndɔ’g əsé mee ndɔ-nduú’g lə maree ar nékulje ləa d’usɔ né keneŋ ndá yeḛ a karee kandə kó əsé kandə nduú gə́ àr yororo toree’g.

Teḛ-Raga 23:8

Seḭ a taaje néndogo-gel el mbata néndogo-gel lé ar kəm njékəmkàrje lé tɔ ləm, tuji ta lə njéra né gə́ dɔ najee-je kari ba ləm tɔ.

Gosota-Kəmkàrje 15:27

Yeḛ gə́ ŋgur nékiŋga gə́ gə goo rəbee el rəa ŋgwɔd-ŋgwɔd lé Ɓar tuji gə́ dɔ njémeekəije’g ləa, Nɛ yeḛ gə́ ə̰ji né gə́ d’un gə mba ndogee ne bəḭ-bəḭ lé A sí kəmba.

Ləbije 6:4

Tɔɓəi yeḛ a kɔr kubuje neelé kya̰ kula njé gə́ raŋg rəa’g mba kodo ne bu neelé kaw ne gir loo-si dee gə́ raga, loo gə́ d’unda gə kəmee lé.

Ləbije 6:5

Pər lé a ko̰ loo-nékinjaməs’g lé ta-ta ɓó a kwəi nda̰ el. Teḛ gə ndɔ gə ndɔje kára-kára lai ya njekinjanéməs lé a kula kir pər’d ləm, a kɔm nékinjanéməsje gə́ ka̰ roo keneŋ ləma, a roo ubu nékinjanéməsje gə́ ka̰ kɔm na̰’d keneŋ ləm tɔ.

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Matiyo 22:21

Deḛ ndigi təa’g pana: To ka̰ Sesar. Yen ŋga yeḛ ula dee pana: Né gə́ wɔji dɔ Sesar ndá arje Sesar ɓó né gə́ to ka̰ Ala lé ndá arje Ala ya tɔ.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Néra Njékaḭkulaje 20:33

Ma lé larnda əsé larlɔr əsé kubu lə dəw kára kara malee ram el.

2 Njé gə́ Kɔrḭtə 12:14

Aa ooje, as gɔl munda ɓasinè, ma m’wa dɔ gɔl rɔm gə mba kaw rɔ sí’g ndá ndòo né gə́ ram lé ɓa m’a gə kaw kabee ji sí’g el, mbata darɔ sí ɓa m’aw kabee ɓó gə mba nékiŋga lə sí ɓa el. Tɔgərɔ ya, to ta lə ŋganje ɓa gə mba mbo̰ nébaoje kar njékoji deeje el, nɛ to ta lə njékoji deeje ɓa gə mba mbo̰ nébaoje gə mba kar ŋgan deeje.

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.

1 Njé gə́ Tesalonikə 2:5

Seḭ gərje gao, jeḛ lé ndɔ kára kara jeḛ lèbè kəm dəw el ləm, j’unda meḛ sí dɔ né’g lə dəw el ləm tɔ. Ala ɓa oo gée gao ya.

1 Piɛrə 5:2

Ulje badə-kosoje lə Ala gə́ yeḛ ɔm dee ji sí’g, ḭje gə meḛ sí raje to gə́ mee Ala wɔji lé ɓó arje dəw njaŋg sí keneŋ el, raje gə meenda ɓó raje gə meekas gə mba kiŋga ne né ji dəwje’g korè gə ji meeyèr el.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 12:4

Deḛ d’ilá keneŋ pana: I ula kəm sí ndòo el ləm, i ra sə sí né gə́ kədərə el ləma, i taa né ji dəw’g kára kara el ləm tɔ.

1 Samel 12:5

Yeḛ tel ula dee tɔɓəi pana: Njesigənea̰ to njekoo goo ta lə sí ləm, yeḛ gə́ yeḛ wa dəa gə ubu lé kara to njekoo goo ta lə sí ɓogənè ləm tɔ, to gə́ seḭ iŋgaje né kára kara jim’g el. Deḛ d’ilá keneŋ pana: Bèe ya, deḛ to njékoo géeje ya.

1 Samel 2:35

N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 24:6

Gée gə́ gogo ndá kaaree ɓar dulug-dulug mbata yeḛ inja ta kubu lə Sawul gə́ boi yul lé gaŋg.

1 Samel 24:7

Yen ŋga yeḛ ula njérɔje ləa pana: Maji kar Njesigənea̰ ɔgm dɔ kun jim kɔrɔ ne rɔ mbai ləm, yeḛ gə́ Njesigənea̰ wa dəa gə́ ubu lé mbata yeḛ to dəw gə́ Njesigənea̰ wa dəa gə ubu ya.

1 Samel 26:11

Wah! Ma ɓa yḛ̀, maji kar Njesigənea̰ ɔgm loo kun jim kɔrɔ ne rɔ yeḛ gə́ Njesigənea̰ wa dəa gə́ ubu lé! Nɛ maji kari un ko̰-niŋga ləa gə́ to mbɔr négəd dəa’g ləm, gə ku-gwɔb-mán ləa ləm tɔ ndá ar sí j’ɔd j’awje.

1 Samel 26:9

Nɛ Dabid ula Abisai pana: Tɔlee el! Mbata see na̰ ɓa a kaskəm kun jia kɔrɔ ne rɔ yeḛ gə́ Njesigənea̰ wa dəa gə ubu lé lal kar bo̰ nérea ɔs təa’g wa.