1 Samel 12:2 - Maktub gə́ To gə Kəmee

² Nɛ ɓasinè lé, aaje loo ooje, mbai gə́ a njaa no̰ sí’g lé ɓa aar nee. Ma ndá m’ɓuga ləm, dɔm pudu ləma, ŋganəmje kara d’isi sə sí na̰’d ləm tɔ. Ma lé m’ɔr no̰ si un kudee gə basm ba saar teḛ ɓogənè.

1 Samel 12:2 ပူးပေါင်းရင်းမြစ်များ

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Bula lə Israɛlje 27:17

mba karee teḛ no̰ dee’g aw raga ləm, gə tel no̰ dee’g ree ɓee ləm tɔ, mba karee ɔr no̰ dee teḛ sə dee raga ləm, ɔr no̰ dee tel sə dee ɓee ləm tɔ, bèe ɓa mba kar koso-dəwje lə Njesigənea̰ lé d’a to kasəna gə badje gə́ njekul dee godo lé bèe el.

2 Timote 4:6

Ma lé m’to asəna gə nékai gə́ ka̰ tər naŋg mba̰ ar ndɔ kaw ləm nai dəb ba ŋga.

Jujé 23:1

As ləbje bula gə́ Njesigənea̰ ar Israɛlje d’isi lɔm mbata yeḛ ɔr dee ji njéba̰je’g lə deḛ lai gə́ gugu dɔ dee sub ndá, Juje lé ləbee bula ndá, aree yeḛ ɓuga jɔ-jɔ mba̰.

Jujé 23:2

Togə́bè ɓa Juje ula kula ɓar Israɛlje lai ləm, gə ŋgatɔgje lə dee ləm, gə mbaije lə dee ləm, gə njégaŋ-rəwtaje lə dee ləma, gə ɓé-njérɔje lə dee ləm tɔ. Yeḛ ula dee pana: Ma lé ləbm bula am m’ɓuga mba̰.

2 Piɛrə 1:14

Mbata ma m’gər gao, nai dəb ba gə mba karm m’ḭ m’uba kəi-surum neelé m’ya̰ gə goo ta gə́ Jeju Kristi Mbaidɔmbaije riba səm dəa lé.

1 Samel 2:22

Eli ɓuga yaa̰ ndá yeḛ oo ta néra ŋganeeje gə́ dee ra kəm Israɛlje’g bura lé ya. Yeḛ oo to gə́ deḛ to gə denéje gə́ mbo̰ dɔ na̰ tarəw kəi-kubu-kiŋga-na̰’g tɔ.

1 Samel 2:29

Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.

1 Samel 3:10

Njesigənea̰ ree ɓaree to gə́ kédé lé ya ɓəi pana: Samel, Samel! Ndá Samel ndigi təa’g pana: Pata, mbata kura ləi oo ndui ya.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.

1 Samel 3:16

Nɛ Eli ɓar Samel pana: Ŋgonəm Samel! Yeḛ ndigi təa’g pana: Yḛ̀ m’aar nee!

1 Samel 8:1

Loo gə́ Samel ɓuga mba̰ ndá yeḛ unda ŋganeeje ɓa gə́ njégaŋ-rəwtaje dɔ Israɛlje’g.

1 Samel 8:20

Bèe ɓa j’a to kasje ne na̰ gə ginkoji dəwje gə́ raŋg bèe ya tɔ. Mbai lə sí lé a gaŋg rəwta lə sí ləm, yeḛ a kɔr no̰ sí ləma, yeḛ a kwɔji loo-rɔje lə sí ləm tɔ.

1 Samel 8:3

Ŋgalə Samel njaa gə goo rəw gə́ bɔ deeje njaa keneŋ el. Deḛ d’ya̰ rɔ dee dan kəmkəḭ’g ləm, deḛ taa nétɔstaje d’al ne dɔ rəwta gə́ gaŋg gə dɔ najee ləm tɔ.

1 Samel 8:5

Deḛ d’ulá pana: Aa oo, i lé ɓuga mba̰ ləm, ŋganije kara njaa gə goo rəw gə́ i njaa keneŋ el ləm tɔ. Ndá ɓasinè maji kari unda mbai dɔ sí’g mba karee gaŋg rəwta lə sí to gə́ deḛ ra ɓee lə ginkoji dəwje gə́ raŋg lai bèe tɔ.