1 Samel 12:14 - Maktub gə́ To gə Kəmee

¹⁴ Ɓó lé seḭ ɓəlje Njesigənea̰ ləm, seḭ raje né areeje ləm, seḭ ilaje koji dɔ godndiaje’g ləma, seḭ ɔsje ta lə Njesigənea̰ rəw el ləm tɔ ndá seḭ a naamje kaar Njesigənea̰, Ala’g lə sí, seḭ gə mbai gə́ njeko̰ sí lé na̰’d tɔ.

1 Samel 12:14 ပူးပေါင်းရင်းမြစ်များ

2 Sôrta Gḭka Israɛlje 15:2

ndá Ajaria aw aar no̰ Asa’g ulá pana: Ooje ta ləm maji, Asa seḭ gə Judaje gə Bḛjamije lai! Njesigənea̰ nai sə sí loo gə́ seḭ naije səa, ɓó lé seḭ sa̰geeje ndá seḭ a kḭgáje, nɛ ɓó lé seḭ ubáje yá̰je ndá yeḛ kara a kuba sí kya̰ sí tɔ.

Pakɔsje 105:28

Yeḛ ula gə loo gə́ to bigim Ar loondul gə́ ndul kɔl-kɔl dəb dɔ dee’g Ndá deḛ d’ɔs ta ləa rəw el.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

Tel tura Godndu 13:5

Seḭ a kawje goo Njesigənea̰ Ala’g lə sí ləm, seḭ a ɓəleeje ləm tɔ, seḭ a kaaje dɔ godndiaje ləm, a kilaje koji dɔ ndia’g ləm, a kwáje meḛ sí’g ləma, a rḛ́je rəa’g rḛ́-rḛ́ ləm tɔ.

Jujé 24:14

Ɓasinè, maji kar sí ɓəlje Njesigənea̰ ləm, raje né areeje gə meekarabasur gə ŋgonkoji ləm tɔ. Arje magəje gə́ ka síje-je ra né d’ar dee kel tura-baa gə́ nu mee ɓee gə́ Ejiptə lé godo mbuna sí’g ndá raje né arje Njesigənea̰ ɓa.

Jujé 24:20

Loo gə́ seḭ a kubaje Njesigənea̰ kyá̰je gə mba pole magəje gə́ dɔ ɓee’g ndá yeḛ a ree mba ra sə sí majel ləm, yeḛ a tuji sí godə maji gə́ yeḛ ra sə sí kédé’g lé ləm tɔ.