1 Samel 12:11 - Maktub gə́ To gə Kəmee

¹¹ Yen ŋga Njesigənea̰ ula Jerubaal, gə Bedan, gə Jepte, gə Samel ndá yeḛ ɔr sí ne ji njéba̰je’g lə sí gə́ gugu dɔ sí sub ar sí síje ne lɔm.

1 Samel 12:11 ပူးပေါင်းရင်းမြစ်များ

2 Mbaije 13:5

Bèe ɓa Njesigənea̰ ar dee njetaa dɔ dee kɔm dee tar. Israɛlje teḛ meḛ ji Aramje’g ndá deḛ d’isi gə meelɔm mee kəi-kubuje’g lə dee to gə́ kédé lé ya.

1 Sôrta Gḭka-Israɛlje 7:17

Ŋgolə Ulam lé ria lə Bedan. Deḛ nee ɓa to ŋgalə Galaad gə́ to ŋgolə Makir gə́ to ŋgolə Manasə lé.

Njéga̰g-Rəwtaje 4:6

Yeḛ ula kula ɓar Barak, ŋgolə Abinoam gə́ si ɓee gə́ Kedes-Neptali ndá yeḛ ulá pana: Aa oo, ndukun gə́ Njesigənea̰, Ala lə Israɛlje un ari ɓa nee: Ɔd aw ɓar dəwje tɔl-dɔg-loo-dɔg (10.000), deḛ gə́ to Neptalije, gə Jabilo̰je ar dee d’aw səi na̰’d dɔ mbal gə́ Tabɔr,

Njéga̰g-Rəwtaje 6:14

Njesigənea̰ tel kəmee eaa gərərə ndá ulá pana: Maji kari aw gə siŋgai gə́ i aar ne nee, aw ɔr ne Israɛlje ji Madianje’g. See to ma nja ɓa m’ulai nee el wa.

Njéga̰g-Rəwtaje 6:31

Joas tel ila dee-deḛ lai gə́ d’aar nea̰’g lé pana: See seḭ ɓa toje njé’g lə Baal lé wa. See to ta lə sí-seḭ ɓa gə mba kar sí taaje dəa wa. Nana ɓa gə́ to ka̰ Baal ndá d’a tɔlee ɓad ɓa loo a kàr ɓəi. Ɓó lé Baal to magə gə́ tɔgərɔ ndá maji karee-yeḛ nja aḭ rɔ dɔ rəa’g mbata d’ɔs loo-nékinjaməs ləa d’ila.

Njéga̰g-Rəwtaje 6:32

Mee ndəa’g neelé deḛ d’unda ri Gedeo̰ lé lə Jerubaal pana: Maji kar Baal ya aḭ rɔ dɔ rəa’g oma̰ ne səa mbata yeḛ ɔs loo-nékinjaməs ləa ila.

Njéga̰g-Rəwtaje 7:1

Jerubaal gə́ to Gedeo̰, gə njérɔje lai gə́ d’isi səa na̰’d lé teḛ gə ndɔ rad ndá d’aw d’wa loo-si dee mbɔr kəm-rəw-mán gə́ Arɔd. Loo-si Madianje to kel dɔgel lə Gedeo̰ mbɔr dɔdərloo gə́ Moré gə́ to mee wəl-loo’g.

Njéga̰g-Rəwtaje 8:29

Jerubaal, ŋgolə Joas lé tel aw si mee kəi’g ləa tɔ.

Njéga̰g-Rəwtaje 8:35

Deḛ d’wa noji gə gel-bɔje lə Jerubaal gə́ to Gedeo̰ lé goo némajije lai gə́ yeḛ ra gə Israɛlje lé el.

1 Samel 3:20

Koso-dəwje gə́ Israɛl lai gə́ un kudee Dan saar teḛ Beer-Seba lé gər to gə́ Samel to njetegginta lə Njesigənea̰ ya.

1 Samel 7:13

Togə́bè ɓa Pilistije d’ula dɔ dee ndá deḛ tel ree dɔ naŋg’d lə Israɛlje gogo el nja saar tɔ. Ndɔje lai gə́ Samel si kəmba lé ji Njesigənea̰ rɔ gə Pilistije ya.