1 Samel 11:7 - Maktub gə́ To gə Kəmee

⁷ Yeḛ wa maŋgje joo tḭja dee gaŋg dee dana ɗuguru-ɗuguru ula ne njékaḭkulaje dɔ naŋg’d lə Israɛlje lai pana: Nana ɓa gə́ a kɔr rɔ kaw goo Sawul’g gə Samel’g el ndá d’a ra gə maŋgje ləa togə́bè tɔ. Ɓəl-boo lə Njesigənea̰ dəb dɔ koso-dəwje’g ar dee d’ḭ asəna gə dəw gə́ kára ba bèe d’aw.

1 Samel 11:7 ပူးပေါင်းရင်းမြစ်များ

Gḭ-Néje 35:5

Gée gə́ gogo deḛ d’ɔd d’aw tɔ. Ɓəl Ala gə́ to ɓəl gə́ boo lé oso dɔ ɓee-booje’g lai gə́ gugu dɔ dee ndá deḛ tuba goo ŋgalə Jakob lé el.

2 Sôrta Gḭka Israɛlje 14:14

Deḛ tuji kəi-nékulje tɔ ndá d’wa badje gə jambalje bula yaa̰ tɔ. Yen ɓa deḛ tel d’aw Jerusalem gogo ɓəi.

2 Sôrta Gḭka Israɛlje 17:10

Ɓəl-boo lə Njesigənea̰ taa mee ɓeeje gə mee ɓeeko̰je lai gə́ gugu gir Juda ar dee rɔ gə Josapat el.

2 Sôrta Gḭka Israɛlje 19:7

Ɓasinè, maji kar ɓəl lə Njesigənea̰ ɔm dɔ sí’g, undaje kəmkàr dɔ rɔ sí’g mbata rɔ Njesigənea̰, Ala lə sí lé néra gə́ kori-kori godo keneŋ ləm, yeḛ ɔr kəm dəwje gə goo maji lə deḛ gə́ raga ba el ləma, yeḛ ndigi néndogo-gel el ləm tɔ.

Esai 8:13

Maji kar sí undaje Njesigənea̰ gə́ njeboo-néje lé gə kəmee. Yeḛ nja ɓa seḭ a ɓəleeje ləm, Seḭ a ndəbje pəd-pəd nea̰’g ləm tɔ.

Njéga̰g-Rəwtaje 19:29

Loo gə́ yeḛ teḛ kəi’g ləa ndá yeḛ un kia tḭja ne barkəmrɔ gamla-dené ləa lé gaŋg dana ɗuguru-ɗuguru as loo dɔg-giree-joo ɓa yeḛ ula ne dɔ naŋg’d lə Israɛlje bura ya.

Njéga̰g-Rəwtaje 20:1

Un kudee Dan saar teḛ Beer-Seba gə ɓee gə́ Galaad lé Israɛlje lai d’unda loo teḛ ndá koso-dəwje mbo̰ dɔ na̰ to gə́ dəw gə́ kára ba bèe no̰ Njesigənea̰’g loo gə́ Mispa.