1 Samel 11:4 - Maktub gə́ To gə Kəmee

⁴ Njékaḭkulaje d’aw teḛ Gibea gə́ ka̰ Sawul’g ndá deḛ pata néje neelé d’ar dəwje. Yen ŋga koso-dəwje lai d’ɔr ndu dee gə́ tar wəl gə no̰.

1 Samel 11:4 ပူးပေါင်းရင်းမြစ်များ

Gḭ-Néje 27:38

Esawu dəji bɔbeeje pana: Bɔm, see ndutɔr kára ba bèe ya to rɔi’g wa! Bɔm, tɔr ndui dɔm-ma’g ya tɔ, kɔgərɔ kari ya! Yen ŋga Esawu ɔr ndia gə́ tar wəl no̰ gə mán-no̰ kəmee’g.

2 Samel 21:6

maji kar dee d’ar sí dəwje siri mbuna ŋganeeje gə́ diŋgam’g mba kar sí n’tɔ deeje tar no̰ Njesigənea̰’g mee ɓee gə́ Gibea’g lə Sawul, yeḛ gə́ Njesigənea̰ ɔree lé. Ndá mbai lé pana: M’a kwa dee kar sí ya.

1 Sôrta Gḭka-Israɛlje 12:3

Mbai Ahiejer gə Joas ŋgalə Semaa, dəw gə́ Gibea, gə Jejiel gə Pelet, ŋgalə Ajmabet, gə Beraka, gə Jehu, dəw gə́ Anatot,

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

1 Njé gə́ Kɔrḭtə 12:26

Ɓó lé né ra barkəmrɔ dəw gə́ kára ndá barkəmreaje lai lé rɔ dee adə dee mbag-mbag. Ɓó lé barkəmrɔ dəw gə́ kára nduba rəa ndá barkəmreaje lai nduba rɔ dee səa na̰’d bura tɔ.

Njé gə́ Galati 6:2

Taaje nékodo gə́ wɔi dɔ na̰’g, bèe ɓa seḭ a kunje ne godndu Kristi lé lad ya.

Ǝbrəje 13:3

Arje meḛ sí olé dɔ daŋgaije’g, to gə́ lə seḭje kara seḭ sije sə dee daŋgai’g bèe tɔ. Arje meḛ sí olé dɔ deḛ gə́ mar deeje d’ula kəm dee ndòo to gə́ seḭje kara d’ula kəm sí ndòo bèe tɔ.

Njéga̰g-Rəwtaje 2:4

Loo gə́ kura lə Njesigənea̰ gə́ dara pa taje neelé ar Israɛlje lai ndá koso-dəwje d’ɔr ndu dee wəl gə́ tar gə no̰ tɔ.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:26

Israɛlje lai gə koso-dəwje bura d’ḭ d’aw Betel, deḛ no̰ ləm, d’isi lée’g neelé no̰ Njesigənea̰’g d’ɔg ne meḛ dee ɓoo saar kàrkemetag ləma, d’inja nékinjaməs gə́ ka̰ roo gə nékinjaməs gə́ wɔji dɔ kɔm na̰’d no̰ Njesigənea̰’g ləm tɔ.

Njéga̰g-Rəwtaje 21:2

Koso-dəwje d’ḭ d’aw Betel d’aw d’isi no̰ Ala’g lé saar kàrkemetag. D’ɔr ndu dee gə́ tar wəl no̰ ne d’ar mán kəm dee wa dee mbəgə-mbəgə.

1 Samel 10:26

Sawul kara tel aw kəi ləa gə́ Gibea’g tɔ. Kankəm dəwje gə́ Ala ra kula meḛ dee’g ɓa danee d’aw səa na̰’d.

1 Samel 14:2

Sawul si ŋgaŋ ɓee gə́ Gibea gel kag gə́ to tana gə dḭ gə́ aar Migro̰ ndá njérɔje gə́ d’aw səa na̰’d lé d’as tɔl-misa̰ (600) jén bèe.

1 Samel 15:34

Samel ɔd aw par gə́ Rama ləm, Sawul kara ɔd aw gə́ kəi ləa gə́ to Gibea gə́ ka̰ Sawul ləm tɔ.

1 Samel 30:4

Yen ŋga Dabid gə njérɔje gə́ d’aw səa lé d’ɔr ndu dee gə́ tar wəl no̰ saar d’ar siŋga dee gə́ kəm no̰ ne gə́ kédé-kédé lé godo.