1 Samel 11:2 - Maktub gə́ To gə Kəmee

² Nɛ Nahas gə́ to gə́ ginkoji’g lə Amo̰ lé ila dee keneŋ pana: M’a kun ndum kar sí bèe ya nɛ kédé ndá m’a tɔs kəm sí gə́ dɔkɔl lai-lai tɔ mba kila ne rɔkul dɔ Israɛlje’g bura ya ɓa.

1 Samel 11:2 ပူးပေါင်းရင်းမြစ်များ

Gḭ-Néje 34:14

Deḛ d’ula dee pana: Kar kɔnan sí taa dəw gə́ lal kinja tamɔdee lé to né gə́ j’askəm ra el. Mbata né neelé a to né kula sul dɔ sí’g.

2 Mbaije 18:31

Ɔmje meḛ sí dɔ ta’g lə Ejekias el mbata mbai gə́ Asiri pa togə́bè pana: Maji kar sí ɔmje sə neḛ na̰’d sad osoje ne gel neḛ’g. Bèe ɓa nana kara a sɔ kandə nduú ləa-ləa ləm, gə kandə kodé ləa ləm tɔ, nana kara a kai mán mee bwa-mán’g ləa to

Pakɔsje 44:13

I ndogo dəwje ləi gə lar gə́ əḭ el ləm, I oo dee gə́ néje gə́ d’əḭ kəmi’g el ləm tɔ.

Teḛ-Raga 3:6

Yeḛ pa tɔɓəi pana: Ma m’to Ala lə bɔbije, Ala lə Abrakam ləm, gə Isaak ləma, gə Jakob ləm tɔ. Moyis dəb kəmee naŋg mbata yeḛ ɓəl kaa loo gə́ rɔ Ala’g lé ya.

Gosota-Kəmkàrje 12:10

Njemeekarabasur lé Tɔs kəmee bao-bao dɔ nékulje’g ləa, Nɛ njémeeyèrje lé Ra né gə́ bɔsɔsɔ.

Jeremi 39:7

Tɔɓəi yeḛ ar dee tɔs kəm Sedesias tɔ ndá deḛ teá gə kúla larkas mba kaw səa Babilɔn.

Bula lə Israɛlje 16:14

Ta gə́ raŋg ya ɓəi to nee: Ɓee gə́ i aw sə sí keneŋ lé to ɓee gə́ mbà gə ubu tə̰ji godo keneŋ ləm, i ar sí loo-ndɔje gə ndɔ-nduúje gə́ ka̰ sí el ləm tɔ. See i ə̰ji məəi’g mba tɔs kəm dəwje neelé tɔ wa. Jeḛ j’a reeje el.

Njéga̰g-Rəwtaje 16:21

Pilistije d’ubá d’wá ndá tɔr guburu kəmeeje. Deḛ d’aw səa Gaja ndá deḛ teá gə kúla larje gə́ kas. Yeḛ ɓa to njekwa kag mbal kusu kó kusu ne kó mee kəi daŋgai’g.

1 Samel 11:10

ar dee d’ula Amo̰je pana: Bèlè j’a kɔmje rɔ sí ji sí’g ndá seḭ a raje sə sí né gə́ meḛ sí ndigi lé.

1 Samel 12:12

Tɔɓəi loo gə́ seḭ ooje Nahas, mbai lə Amo̰je gə́ ɔr rɔ ree mba rɔ sə sí ndá seḭ ulamje pajena: Wai! Lé riri kara mbai a ko̰ɓee dɔ sí’g ya. Nɛ lé bèe kara, Ala lə sí gə́ Njesigənea̰ ya ɓa to mbai lə sí.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.