1 Samel 11:11 - Maktub gə́ To gə Kəmee

¹¹ Bèlè lookàree Sawul kai boo-njérɔje loo munda. Deḛ d’ur dan loo-si Amo̰je’g kàr-ŋgəm-loo’d gə́ gə ndɔ ndá deḛ rɔ sə dee saar kàr ɔs keḭ-keḭ. Deḛ gə́ teḛ ta yoo’g lé sané na̰ kad-kad ɓó a koo dəwje joo ta na̰’d el.

1 Samel 11:11 ပူးပေါင်းရင်းမြစ်များ

Gḭ-Néje 22:14

Abrakam unda ri loo neelé lə Jehoba-Jire kɔr gelee pana: Njesigənea̰ to nje-kar sí né gə́ jeḛ j’aw ndée. Gelee gə́ nee ɓa ɓogənè kara deḛ pa ne pana: Dɔ mbal’g lə Njesigənea̰ lé d’a kar sí né gə́ j’aw ndée keneŋ.

2 Samel 18:2

Yeḛ kai njérɔje lé loo munda ndá Joab ɓa to dəw dɔ dee-deḛ gə́ kudu kára ləm, kudu deḛ gə́ njekɔm’g joo lé Abisai, ŋgolə Seruja, ŋgoko̰ Joab ɓa gə́ dəw dɔ dee ləma, kudu deḛ gə́ njekɔm’g munda lé Itai, dəw gə́ Gat ɓa gə́ dəw dɔ dee ləm tɔ. Tɔɓəi mbai ula njérɔje lé pana: Ma nja kara m’ndigi kaw sə sí na̰’d ya tɔ.

Pakɔsje 46:1

Pa lə Koréje gə́ d’ar bao-pa mba karee ɔs sə dee lé. D’ɔs gə tébé

Teḛ-Raga 14:24

Ta lookàr’g dəb ndá, Njesigənea̰ gə́ si dan pər’g gə dan mum’g lé aa loo oo loo-si njé gə́ Ejiptə ndá, yeḛ ra né ar njé gə́ Ejiptə lé d’aw dɔ na̰’d bèe pum-pum loo-si dee’g.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.

Njéga̰g-Rəwtaje 4:16

Barak tuba njérɔje gə pusu-rɔje lə dee saar teḛ ne Haroset-Goyim. Ndá deḛ tɔl njérɔje lə Sisera lai gə kiambas d’ar dəw kára kara nai el.

Njéga̰g-Rəwtaje 7:16

Njérɔje gə́ tɔl-munda (300) lé Gedeo̰ kai dee kudu munda ndá yeḛ ar dee to̰to̰je ji dee’g kel kel ləm, gə kulum manje gə́ mee dee to kari ba ləma, gə néndogóje gə́ to mee kulum manje’g ləm tɔ.

Njéga̰g-Rəwtaje 7:20

Kudu njérɔje gə́ munda lé d’im to̰to̰ ləm, gə tɔ kulum manje ləm tɔ, d’wa néndogóje jigel dee’g ləm, to̰to̰je to jikɔl dee’g mba kim ləma, deḛ d’unda bula u-u-u ləm tɔ pana: Kiambas lé to ka̰ Njesigənea̰ ləm, to ka̰ Gedeo̰ ləm tɔ.

Njéga̰g-Rəwtaje 9:43

Yeḛ ɔr njérɔje ləa kai dee kudu munda ar dee d’um dee rəw mee wala’g. Yeḛ oo to gə́ dəwje d’ḭ mee ɓee-boo’g teḛ raga ndá yeḛ ḭ ɔs dee rəw rɔ sə dee.

1 Samel 11:2

Nɛ Nahas gə́ to gə́ ginkoji’g lə Amo̰ lé ila dee keneŋ pana: M’a kun ndum kar sí bèe ya nɛ kédé ndá m’a tɔs kəm sí gə́ dɔkɔl lai-lai tɔ mba kila ne rɔkul dɔ Israɛlje’g bura ya ɓa.

1 Samel 14:47

Loo gə́ Sawul ar ko̰ gə́ yeḛ o̰ ɓee dɔ Israɛlje’g lé to njaŋg ndá yeḛ rɔ gə njéba̰je ləa gə́ yo gə́ nee. Yeḛ rɔ gə Moabje ləm, gə Amo̰je ləm, gə Edɔmje ləm, gə mbaije gə́ Soba ləma, gə Pilistije ləm tɔ. Looje lai gə́ turu rəa keneŋ lé yeḛ un baŋga-baŋga ya.