1 Samel 10:8 - Maktub gə́ To gə Kəmee

⁸ Tɔɓəi i a kḭ nɔm’g kédé kaw Gilgal ndá aa oo, m’a kḭ kaw rɔi’g kaw kinja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. I a ŋgina as ndɔ siri saar kam m’ree rɔi’g gə mba kam m’ulai né gə́ kəm kari ra ɓa.

1 Samel 10:8 ပူးပေါင်းရင်းမြစ်များ

2 Samel 19:16

Mbai lé tel ree saar teḛ ta baa gə́ Jurdɛ̰ ndá Judaje ree Gilgal gə mba kaw tila kəm mbai gə mba karee gaŋg baa gə́ Jurdɛ̰ lé tɔ.

Ləbije 3:9

Nékinjaməs gə́ ka̰ kɔm na̰’d neelé néje gə́ yeḛ a kɔr keneŋ mba roo no̰ Njesigənea̰’g lé ɓa nee: Ubee ləm, gə ɓo̰gee bura gə́ d’wa təd ta siŋga dunee’g ləma, gə ubee gə́ dolè dɔ ŋgan siḭyeje gə ubee lai gə́ wa dɔ ŋgan siḭyeje gə́ tar ləm,

Jujé 4:19

Ndɔ dɔg lə naḭ gə́ dɔtar lé ɓa koso-dəwje d’unda loo dan baa gə́ Jurdɛ̰ teḛ ndá d’isi Gilgal gə́ to rəw-nim ɓee-boo gə́ Jeriko par gə́ bər lé.

1 Samel 13:4

Israɛlje lai d’oo to gə́ deḛ pana: Sawul dum dɔ kudu njérɔje lə Pilistije ndá Israɛlje tel to kḛji kəm Pilistije’g. Bèe ɓa deḛ ɓar njérɔje d’ar dee mbo̰ dɔ na̰ rɔ Sawul’g Gilgal.

1 Samel 15:33

Nɛ Samel pana: To gə́ kiambas ləi ar denéje d’isi lal ŋgan deeje lé Kɔḭje kara a si mbuna dené mareeje’g lal ŋgon tɔ. Yen ŋga Samel gaŋg Agag dana mbidi-mbidi no̰ Njesigənea̰’g loo gə́ Gilgal tɔ.