1 Samel 10:7 - Maktub gə́ To gə Kəmee

⁷ Loo gə́ nétɔjije neelé d’aw lée’g béréré dɔi’g ndá maji kari ra né gə́ i iŋga loo rəa mbata Ala nai səi ya.

1 Samel 10:7 ပူးပေါင်းရင်းမြစ်များ

Gḭ-Néje 21:20

Ala nai gə ŋgon lé aree ra tɔg ndá yeḛ si dɔdilaloo’g tel to ne njerɔ ɓandaŋg tɔ.

2 Samel 7:3

Natan tel ila mbai’g lé pana: Ɔd aw ra néje lai gə́ i wɔji məəi’d gə́ mba ra lé, mbata Njesigənea̰ nai səi ya.

Maktub gə́ wɔji dɔ Jɔb 31:25

Ɓó lé ma m’al rɔm gə mba boo némajije ləm, Esé gə mba bula lə nébaoje gə́ ma m’iŋga ləm tɔ,

Teḛ-Raga 4:8

Njesigənea̰ pana: Ɓó lé deḛ d’ɔm meḛ dee dɔi’g el ləm, d’oo ta lə nétɔji gə́ dɔtar neelé el ləm tɔ ndá nétɔji gə́ rudu lé ɓa d’a kɔm meḛ dee dɔ’g ya.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Lugu 2:12

Ŋgonkas neelé deḛ ɓiree gə kubu d’ilá mee bəgərə sɔ né’g lə maŋgje, seḭ a kéeje keneŋ ya, yee ɓa seḭ a gəreeje ne ya tɔ.

Tagə́maji gə́ Ja̰ ndang 6:14

Loo gə́ koso-dəwje neelé d’oo némɔri gə́ Jeju ra lé ndá deḛ pana: Tɔgərɔ ya, yeḛ neelé to gə́ njetegginta gə́ a gə ree naŋg neelé ya.

Tel tura Godndu 20:1

Loo gə́ seḭ a gə kawje loo-rɔ’g gə mba rɔ gə njéba̰je lə sí ɓa, a kooje kundaje lə dee gə pusu-rɔje lə dee gə koso-dəwje lə dee gə́ bula d’unda sí ndá seḭ a ɓəl deeje el, mbata Ala lə sí gə́ Njesigənea̰ gə́ ar sí undaje loo mee ɓee gə́ Ejiptə teḛje lé nai sə sí ya.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Njéga̰g-Rəwtaje 6:12

Kura lə Njesigənea̰ gə́ dara teḛ dəa’g wai ndá ulá pana: Njesigənea̰ nai səi, i gə́ to bao-rɔ lé.

Njéga̰g-Rəwtaje 9:33

Teḛ gə ndɔ loo gə́ kàr uba lé i a kḭ kuba ɓee-boo neelé naŋg bus. Bèe ɓa loo gə́ Gaal gə koso-dəwje gə́ d’aw səa teḛ mba rɔ səi ndá i a ra səa né gə goo siŋgamoŋgi ya.

1 Samel 2:34

Nétɔji gə́ a kari oo ne to gə́ ta nee to tɔgərɔ ya lé a to né gə́ a teḛ dɔ ŋganije joo gə́ ri dee lə Opni gə Pines. Mee ndɔ gə́ kára ba ya d’a kwəi keneŋ joo bɔr.

1 Samel 20:13

maji kar Njesigənea̰ ra gə Jonatan nédɔkudu ya. Esé ɓó lé bɔm wɔji mba ra səi né gə́ majel kara m’a kulai ya tɔ ndá m’a kya̰’i kari aw gə meekulɔm tɔ. Maji kar Njesigənea̰ nai səi to gə́ yeḛ nai ne gə bɔmje kédé bèe tɔ.

1 Samel 3:19

Samel ra tɔg. Njesigənea̰ nai səa ar taje ləa lai aw lée’g béréré ya.