1 Samel 10:25 - Maktub gə́ To gə Kəmee

²⁵ Samel ar koso-dəwje gər né gə́ wɔji dɔ ɓeeko̰ ndá yeḛ ndaŋg taree mee maktub’g ila no̰ Njesigənea̰’g. Tɔɓəi yeḛ ya̰ koso-dəwje lai ar nana kara aw kəi ləa-ləa ya.

1 Samel 10:25 ပူးပေါင်းရင်းမြစ်များ

2 Mbaije 11:17

Jeojoda ar ta manrɔ to mbuna Njesigənea̰’g gə mbai’g gə koso-dəwje mba kar dee to koso-dəwje lə Njesigənea̰ ya, tɔɓəi yeḛ ar ta manrɔ to mbuna mbai’g gə koso-dəwje’g tɔ.

Tel tura Godndu 31:26

Taaje maktub godndu neelé ndá ilaje mbɔr sa̰duk-manrɔ’g lə Njesigənea̰, Ala lə sí, bèe ɓa a to lée’g neelé gə́ njekɔrgoota kila dɔ sí’g.

1 Timote 2:2

mbata mbaije ləma, mbata deḛ gə́ d’isi gə́ dəw dɔ mar deeje’g lé ləm tɔ mba kar sí j’isi ne dan maji’g gə dan meekulɔm’g ləm, kar sí j’wa Ala meḛ sí’g gə meendakaḭ ləm tɔ

Titə 3:1

Tel ula dee mba kar dee d’oso kul no̰ dəw-dɔ-looje gə njéko̰ɓeeje’g ləm, kar dee d’ila ŋgonkoji dɔ dee’g ləma, kar dee d’wa dɔ gɔl rɔ dee dɔ kula raje gə́ maji gə́ rara kara ləm tɔ.

Jujé 22:6

Togə́bè ɓa Juje tɔr ndia dɔ dee’g ndá ya̰ dee ar dee tel d’aw gə́ kəi-kubuje’g lə dee.

1 Samel 11:14

Samel ula koso-dəwje lé pana: Gə́ reeje ar sí j’awje Gilgal mba gɔl rəw ko̰ɓee lé karee to njaŋg ŋga.

1 Samel 8:9

Maji kari oo ta lə dee ya nɛ ndəji ɓa ndəji dee kɔr ləm, ar dee gər né gə́ wɔji dɔ mbai gə́ a gə ko̰ dɔ dee lé ləm tɔ.