1 Samel 10:22 - Maktub gə́ To gə Kəmee

²² Deḛ tel dəji Njesigənea̰ tɔɓəi pana: See dəw lé ree nee ya wa. Njesigənea̰ pana: Yeḛ iya rəa mbuna nékodoje’g kən.

1 Samel 10:22 ပူးပေါင်းရင်းမြစ်များ

Gḭ-Néje 25:22

Ŋganje tɔs na̰ mée’g ndá yeḛ pana: Ɓó lé to togə́bè ndá see m’a si kəmba ya wa. Yeḛ aw rɔ Njesigənea̰’g dəjee taree gə mba k’oo.

2 Samel 2:1

Gée’g gogo, Dabid dəji Njesigənea̰ pana: See m’a kaw mee ɓee gə́ kára mbuna ɓee-booje gə́ Juda wa. Njesigənea̰ ilá keneŋ pana: Aw! Dabid tel dəjee pana: See ɓee gə́ ra ɓa m’a kaw keneŋ wa. Ndá Njesigənea̰ tel ilá keneŋ pana: Aw Ebro̰.

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Njéga̰g-Rəwtaje 1:1

Loo gə́ Juje wəi mba̰ ndá Israɛlje dəji Njesigənea̰ pana: See na̰ ɓa mbuna sí’g a kɔr rɔ doŋgɔr kaw rɔ gə Kana̰je wa.

Njéga̰g-Rəwtaje 20:18

Togə́bè ɓa Israɛlje d’ḭ d’aw Betel dəji ne Ala pana: See na̰ ɓa mbuna sí’g a kaw kédé no̰ sí’g mba kaw rɔ gə Bḛjamije lé wa. Njesigənea̰ ila dee keneŋ pana: Judaje ɓa d’a kaw kédé.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:28

ndá mee ndəa’g neelé Pines, ŋgolə Eləajar, gə́ to ŋgoka Aaro̰ ɓa to njekaar no̰ Ala’g lé. Deḛ dəjee pana: See j’a kɔr rɔ kaw rɔ gə Bḛjamije gə́ to ŋgako̰ síje lé əsé j’a kaw el wa. Njesigənea̰ ila dee keneŋ pana: Awje ya mbata bèlè m’a kuba dee kya̰ dee ji sí’g ŋga.

1 Samel 10:21

Yeḛ ar ginkoji lə Bḛjami ree pər gə goo gel-bɔje lə dee lə dee ndá d’ɔr kəm gel-bɔje lə Matri. Bèe ɓa d’ɔr Sawul, ŋgolə Kis tɔ. Deḛ saŋgee nɛ d’iŋgá el.

1 Samel 14:37

Togə́bè Sawul dəji Njesigənea̰ pana: See m’a kas k’aw tuba Pilistije wa. See i a kya̰ dee ji Israɛlje’g ya wa. Nɛ mee kàree’g neelé Njesigənea̰ tel ilá ta’g el.

1 Samel 15:17

Samel pana: Loo gə́ i oo rɔi gə́ né gə́ əḭ kəmi’g el lé see i tel to mbai dɔ ginkoji Israɛlje el wa. See Njesigənea̰ ɓa wa dɔi gə ubu ari to mbai lə Israɛlje el wa.

1 Samel 22:10

Ahimelek dəji Njesigənea̰ ta mbata ləa ləm, yeḛ aree muru gə kiambas lə Goliat gə́ to dəw gə́ Pilisti lé ləm tɔ.

1 Samel 23:9

Dabid oo ta némajel gə́ Sawul wɔji gə mba ra səa ndá yeḛ ula Abiatar, njekinjanéməs lé pana: Maji kari ree gə kubu épod lé.

1 Samel 30:7

Yeḛ ula Abiatar, njekinjanéməs gə́ to ŋgolə Ahimelek lé pana: Ree gə kubu épod lé am! Ndá Abiatar ree gə kubu épod lé ar Dabid ya tɔ.

1 Samel 30:8

Bèe ɓa Dabid dəji Njesigənea̰ pana: See m’a kun dɔ gɔl njérɔje nee wa. See m’a kiŋga dee ya wa. Njesigənea̰ tel ilá keneŋ pana: Un dɔ gɔl dee ndá i a kiŋga dee ləm, i a taa dee gə́ d’wa dee ɓər lé kɔm dee tar ya ləm tɔ.

1 Samel 9:21

Sawul ilá keneŋ pana: See ma m’to gə́ ginkoji’g lə Bḛjami gə́ to ginkoji gə́ lam ba bèe mbuna ginkoji Israɛlje-je’g el wa. See gel bɔ ləm kara to gə́ lam ba bèe unda gel-bɔje lə ginkoji Bḛjamije el wa. See gelee ban ɓa i ulam ne ta gə́ togə́bè lé wa.