1 Samel 10:21 - Maktub gə́ To gə Kəmee

²¹ Yeḛ ar ginkoji lə Bḛjami ree pər gə goo gel-bɔje lə dee lə dee ndá d’ɔr kəm gel-bɔje lə Matri. Bèe ɓa d’ɔr Sawul, ŋgolə Kis tɔ. Deḛ saŋgee nɛ d’iŋgá el.

1 Samel 10:21 ပူးပေါင်းရင်းမြစ်များ

2 Samel 3:19

Abner pa taree ar Bḛjamije kara ləm, tel aw Ebro̰ ndaji taree ila mbi Dabid’g aree oo néje lai gə́ Israɛlje gə Bḛjamije d’wɔji-kwɔji ra lé ləm tɔ.

Gosota-Kəmkàrje 18:18

Ra né to gə́ tḛ́ bèe ar takɔlje unda ne lɔd ləm, Gaŋ ne rəwta mbuna njésiŋgamoŋje’g ləm tɔ.

Junas 1:7

Deḛ kára-kára lai d’ula na̰ ta gə́ yo gə́ nee pana: Gə́ reeje, ar sí n’raje né asəna gə téḛ bèe gə mba koo see na̰ ɓa ar tuji neelé oso dɔ sí’g wa. Deḛ ra né neelé ndá oso dɔ Junas’g ya ɗəgərə.

Néra Njékaḭkulaje 13:21

Yen ŋga deḛ dəji mbai lə dee. Ndá Ala ar dee Sawul, ŋgolə Kis, gə́ to gə́ ginkoji Bḛjami’g lé aree o̰ dee ləbee rɔ-sɔ.

1 Samel 10:20

Samel ar ginkoji lə Israɛlje lai ree pər gə́ rəa’g ndá d’ɔr kəm ginkoji lə Bḛjami.

1 Samel 10:22

Deḛ tel dəji Njesigənea̰ tɔɓəi pana: See dəw lé ree nee ya wa. Njesigənea̰ pana: Yeḛ iya rəa mbuna nékodoje’g kən.

1 Samel 9:2

Yeḛ lé ŋgonee gə́ diŋgam kára si keneŋ’n ria lə Sawul. Yeḛ to basa gə́ kura ləm, kura ur dɔ Israɛlje’g lai ləma, yeḛ ŋgal yaa̰ ar dəa unda deḛ lai ləm tɔ.