1 Samel 10:2 - Maktub gə́ To gə Kəmee

² Ɓogənè lé loo gə́ i ya̰’m mba̰ ndá i a kiŋga dəwje joo mbɔr dɔɓar Rasel’d gə́ to rəw-nim-ɓee’g lə Bḛjami gə́ to Selsak lé. Ndá d’a kulai pana: Ko̰-mulayḛ̀je-je gə́ i aw saŋg dee lé d’iŋga dee mba̰. Nɛ aa oo, bɔbije ə̰ji dɔ mulayḛ̀je-je’g el ŋga, nɛ mée to kəgəgə mbata lə sí aree pana: See ɗi ɓa n’a ra mbata lə ŋgon neḛ lé wa.

1 Samel 10:2 ပူးပေါင်းရင်းမြစ်များ

Gḭ-Néje 35:16

Deḛ d’uba naŋg Betel d’ḭ. Nɛ loo gə́ nai lam ɓa ya gə mba kar dee teḛ Eprata ɓəi ndá ndóo too Rasel. Ndóo lé kədərə səa yaa̰.

Gḭ-Néje 48:7

Kḭ gə́ m’ḭ Padan m’tel m’ree lé Rasel wəi jim’g rəbə dɔ naŋg gə́ Kana̰ loo gə́ Eprata nai əw lam ba bèe. Lée gə́ neelé ɓa m’dubee keneŋ mbɔr rəw gə́ Eprata gə́ to Betlehem lé.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Jujé 18:28

gə Sela, gə Elep, gə Yebus gə́ to Jerusalem, gə Gibea, gə Kirjat, d’as ɓee-booje dɔg-giree-sɔ gə ɓee-kogoje lə dee. Yee ɓa to dɔ naŋg lə ŋgaka Bḛjamije gə goo gel-bɔje lə deḛ gə́ d’iŋga gə́ né ka̰ dee lé tɔ.

1 Samel 10:16

Sawul tel ila naneeje keneŋ pana: Yeḛ ula sí woḭ to gə́ ko̰-mulayḛ̀je-je lé d’iŋga dee mba̰. Nɛ ta gə́ wɔji dɔ ɓeeko̰ gə́ Samel ulá lé ɓa yeḛ pa el.