1 Samel 10:19 - Maktub gə́ To gə Kəmee

¹⁹ Nɛ ɓogənè seḭ mbadje Ala lə sí, yeḛ gə́ ɔr sí dan némajelje’g lə sí lai ləm, gə dan némeekonje’g lə sí lai ləm tɔ ndá seḭ uláje pajena: Maji karee unda mbai dɔ sí’g. Ɓasinè lé gə́ reeje aarje no̰ Njesigənea̰’g gə goo ginkojije lə sí ləm, gə goo bula lə sí gə́ tɔl-dɔg-dɔg (1.000) ləm tɔ.

1 Samel 10:19 ပူးပေါင်းရင်းမြစ်များ

Gosota-Kəmkàrje 16:33

D’ɔm néje ta kubu gə́ ŋgal yududu’g D’ɔs ne na̰ mbarè mba gər ne nékəmra, Nɛ kwɔji rəw ra né njaŋg lé Ḭ rɔ Njesigənea̰’g.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Bula lə Israɛlje 11:20

nɛ seḭ a sɔje as naḭ kára doŋgɔ, saar a teḛ baḭ əm sí’g karee tel lel sí el ŋga mbata seḭ mbadje Njesigənea̰ gə́ si mbuna sí’g ləm, mbata seḭ no̰je no̰ yoo dəa’g pajena: See ban ɓa ar síjeḛ j’undaje loo mee ɓee gə́ Ejiptə n’teḛje ləm tɔ wa.

Bula lə Israɛlje 17:2

Ula Eləajar, ŋgolə Aaro̰ gə́ to njekinjanéməs mba karee tɔr əb gə́ to dan pər’g mba kɔm pər gə́ mee dee’g əw, mbata əb lé to néje gə́ to gə kəmee.

Tel tura Godndu 17:14

Loo gə́ seḭ a ka̰dje mee ɓee gə́ Ala lə sí gə́ Njesigənea̰ ar sí ləm, loo gə́ seḭ a taaje gə́ né ka̰ sí gə mba si keneŋ ləm tɔ lé banelə seḭ a pajena: J’a kundaje mbai dɔ sí’g to gə́ ginkoji dəwje gə raŋg lai gə́ gugu dɔ sí ra lé ndá

Jujé 24:1

Juje mbo̰ ginkoji Israɛlje lai na̰’d mee ɓee gə́ Sikem ndá yeḛ ula kula ɓar ŋgatɔgje lə Israɛlje ləm, gə mbaije lə dee ləm, gə njégaŋ-rəwtaje lə dee ləma, gə ɓé-njérɔje lə dee ləm tɔ, ar dee ree d’aar no̰ Ala’g lé.

Njéga̰g-Rəwtaje 8:23

Gedeo̰ ula dee pana: M’a ko̰ɓee dɔ sí’g el ləm, ŋganəmje kara d’a ko̰ɓee dɔ sí’g el ləm tɔ. Njesigənea̰ nja ɓa a ko̰ɓee dɔ sí’g.

1 Samel 10:20

Samel ar ginkoji lə Israɛlje lai ree pər gə́ rəa’g ndá d’ɔr kəm ginkoji lə Bḛjami.

1 Samel 12:12

Tɔɓəi loo gə́ seḭ ooje Nahas, mbai lə Amo̰je gə́ ɔr rɔ ree mba rɔ sə sí ndá seḭ ulamje pajena: Wai! Lé riri kara mbai a ko̰ɓee dɔ sí’g ya. Nɛ lé bèe kara, Ala lə sí gə́ Njesigənea̰ ya ɓa to mbai lə sí.

1 Samel 14:23

Mee ndəa’g neelé Njesigənea̰ aji Israɛlje ndá ar rɔ aw kəmee gə́ kédé saar dəs Bet-Aben.

1 Samel 14:38

Sawul pana: Reeje gə́ nee, seḭ lai gə́ toje mbai dɔ ɓée njérɔje neelé ndá saŋgje loo mba koo see kaiya ɗi ɓa ɓogənè raje wa.

1 Samel 3:21

Njesigənea̰ ree teḛ kəm dee’g Silo ta-ta. Mbata Njesigənea̰ riba dɔ rəa ar Samel loo gə́ Silo’g gə goo taje lə Njesigənea̰ lé ya.

1 Samel 4:1

Samel un ta pa ar Israɛlje lai. Ndá Israɛlje lé teḛ d’aw d’iŋga Pilistije mba rɔ sə dee. Deḛ d’wa loo-si dee mbɔr Eben-Ejer’g dəb ləm, Pilistije kara d’wa loo-si dee Apek’g ləm tɔ.

1 Samel 8:19

Koso-dəwje d’ɔs mbi dee jigi d’udu dɔ ta’g lə Samel. Deḛ pana: Wai! Lé riri kara mbai a si dɔ sí’g ya.

1 Samel 8:5

Deḛ d’ulá pana: Aa oo, i lé ɓuga mba̰ ləm, ŋganije kara njaa gə goo rəw gə́ i njaa keneŋ el ləm tɔ. Ndá ɓasinè maji kari unda mbai dɔ sí’g mba karee gaŋg rəwta lə sí to gə́ deḛ ra ɓee lə ginkoji dəwje gə́ raŋg lai bèe tɔ.