1 Samel 10:18 - Maktub gə́ To gə Kəmee

¹⁸ Ndá yeḛ ula Israɛlje pana: Njesigənea̰ Ala lə Israɛlje pa togə́bè pana: Neḛ n’ar Israɛlje d’unda loo mee ɓee gə́ Ejiptə’g teḛ ndá neḛ n’ɔr dee ji njé gə́ Ejiptə’g ləm, gə ji ɓeeko̰je lai’d gə́ d’ula kəm dee ndòo ləm tɔ.

1 Samel 10:18 ပူးပေါင်းရင်းမြစ်များ

Teḛ-Raga 29:46

Deḛ d’a gər gao to gə́ ma m’to Njesigənea̰ Ala lə dee gə́ m’ar dee d’unda loo mee ɓee gə́ Ejiptə teḛ lé gə mba kam m’isi mbuna dee’g ya. Ma m’to Njesigənea̰ Ala lə dee tɔ.

Bula lə Israɛlje 10:9

Loo gə́ mee ɓee’g lə sí lé seḭ a gə kawje mba rɔ gə njéba̰je lə sí gə́ d’a gə dum sí ndá seḭ a kimje to̰to̰je kar dee ɓar ŋgaw ɓa mee Njesigənea̰, Ala lə sí a kolé ne dɔ sí’g ləm, yeḛ a kɔr sí ne ji njéba̰je’g lə sí ləm tɔ.

Njéga̰g-Rəwtaje 2:1

Kura lə Njesigənea̰ gə́ dara ḭ Gilgal aw Bokim ndá yeḛ pana: Ma m’ar sí undaje loo mee ɓee gə́ Ejiptə teḛje, tɔɓəi m’aw sə sí mee ɓee gə́ ma man rɔm m’ar bɔ síje-je mba kar sí. Ma m’pana: M’a gaŋg kúla manrɔ ləm gə́ ma man ne rɔm m’ar sí lé pai godo.

1 Samel 12:8

Loo gə́ Jakob ree Ejiptə mba̰ ndá bɔ síje-je no̰ ɓar Njesigənea̰. Bèe ɓa Njesigənea̰ ula Moyis gə Aaro̰ ar dee d’ar bɔ síje-je d’unda loo mee ɓee’d gə́ Ejiptə teḛ ləm, d’ar dee d’isi loo gə́ nee’g ləm tɔ.