1 Samel 10:11 - Maktub gə́ To gə Kəmee

¹¹ Deḛ lai gə́ gəree kédé lé loo gə́ d’oo to gə́ yeḛ aar tegginta gə njéteggintaje na̰’d ndá deḛ d’ula na̰ ta gə́ yo gə́ nee mbuna koso-dəwje’g pana: See ɗi ɓa ra ŋgolə Kis lé wa. See Sawul kara to gə́ mbuna njéteggintaje’g ya to wa.

1 Samel 10:11 ပူးပေါင်းရင်းမြစ်များ

Amɔs 7:14

Amɔs lé ila Amasia’g pana: Ma lé m’to njetegginta el ləm, m’to ŋgolə njetegginta el ləm tɔ. Nɛ ma m’to njekulbadje ləm, ma m’to njekḭja kandə ɓɔlje ləm tɔ.

Amɔs 7:15

Njesigənea̰ ɓa unm loo gə́ m’aar goo badə-kosoje’g ndá yeḛ ulam pana: M’aw m’tegginta m’ar koso-dəwje lə neḛ gə́ to Israɛlje lé ya.

Tagə́maji gə́ Ja̰ ndang 7:15

Kaar Jibje wa dee paḭ ar dee pana: See loo gə́ ra ɓa dəw neelé gər maktub gə́ to gə kəmee yaa̰ bèe keneŋ wa. Mbata yeḛ aw loo-ndoo-né’g ndɔ kára el.

Néra Njékaḭkulaje 3:10

Deḛ gəree gə́ yeḛ gə́ si ta kəi-Ala’g gə́ d’unda ria lə Kura Yaa̰ kwɔi dəwje né gə kəmndoo lé ndá kaar dee wa dee paḭ ar ta igi dee sel dɔ né gə́ teḛ dəa’g neelé.

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 9:21

Deḛ lai gə́ d’oo ta ləa lé kaar dee wa dee paḭ ar dee pana: See yeḛ gə́ aa’n lé to gə́ yeḛ gə́ tuji njé gə́ Jerusalem gə́ d’un ri neelé ula ne kəm dee ndòo el wa. See ree gə́ yeḛ ree neelé see yeḛ ree gə mba twa dee kaw sə dee no̰ mbai dɔ njékinjanéməsje-je’g el wa.

1 Samel 19:24

Yeḛ tɔr kubuje ləa rəa’g ndá yeḛ tegginta no̰ Samel’g tɔ. Tɔɓəi mee ndəa’g neelé yeḛ oso naŋg gə rəa kari ba to dan kàrá ləm, gə loondul’g ləm tɔ. Gelee gə́ nee ɓa, deḛ pa ne pana: See Sawul ya kara si mbuna njéteggintaje’g ləm tɔ wa.