1 Samel 1:9 - Maktub gə́ To gə Kəmee

⁹ Loo gə́ d’usɔ né gə d’ai né ləm tɔ mee gadloo gə́ Silo’g lé mba̰ ndá An uba naŋg ḭta. Eli gə́ njekinjanéməs lé si dɔ kali’g mbɔr kag-tarəwkəi gə́ to kəi-kubu-si-Njesigənea̰ lé.

1 Samel 1:9 ပူးပေါင်းရင်းမြစ်များ

2 Samel 7:2

yeḛ ula Natan, njetegginta lé pana: Oo, ma lé m’isi mee kəi gə́ ra gə kag-sɛdrə nɛ sa̰duk-manrɔ lə Ala to mee kəi-kubu’g ɓa.

Pakɔsje 27:4

Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Pakɔsje 29:9

Ndu Njesigənea̰ lé ar arkasje d’oji ŋganje ləm, Ndia jagla mee kuuje jagla-jagla ləm tɔ. Néje lai gə́ to mee kəi-mbai’g ləa lé D’ila ndu dee naŋg wəl pana: Maji kula rɔnduba dəa’g ya.

Pakɔsje 5:7

I ar njétaŋgɔmje d’udu bo̰. Dəwje lai gə́ d’ila məs ləm, Gə deḛ gə́ to gə́ njékərgosoje ləm tɔ lé I Njesigənea̰ ə̰ji dee bəḭ-bəḭ ya.

Teḛ-Raga 21:6

ndá ɓéeje a teḛ səa no̰ Ala’g lé, a karee rəm pər gə́ tarəwkəi’g əsé kaar kag rəw-kəi-kɔg’d lé ndá ɓéeje a mbudu mbia gə némé, bèe ɓa ɓər lé a ra kula ɓər karee saar kwəi ne tɔ.

1 Samel 1:10

Dan némeekad’g lé An ra tamaji ta Njesigənea̰’g no̰ ne ɓugudu-ɓugudu tɔ.

1 Samel 3:15

Samel to naŋg saar loo àr tɔɓəi yeḛ tɔr takəije lə Njesigənea̰. Samel ɓəl mba kɔr sor némḭdi lé kar Eli.

1 Samel 3:3

Deḛ tɔl pərndɔ lə Ala el ɓəi ndá Samel to loo-tée’g mee kəi-kubu-si-Njesigənea̰’g, loo gə́ sa̰duk lə Ala to keneŋ lé.

1 Samel 4:13

Loo gə́ yeḛ ree lé ndá Eli si dɔ kali’g ləa mbɔr rəw’g si ŋgina mbata mée to kərm gə́ dɔ sa̰duk-manrɔ’g lə Ala. Loo gə́ dəw neelé ree mee ɓee-boo’g ləm, ɔr sor néje ləm tɔ ndá dəwje lai gə́ mee ɓee-boo’g lé d’ɔm dɔ no̰’g no̰ birim-birim.