1 Samel 1:8 - Maktub gə́ To gə Kəmee

⁸ Elkana gə́ ŋgabeeje lé dəjee pana: See gelee ban ɓa i no̰ ləm, sɔ né el ləm tɔ wa. See gelee ban ɓa ar məəi tuji ar kəmi to ne ndòo wa. See ma m’to maji kəmi’g m’unda ŋganje gə́ diŋgam dɔg el wa.

1 Samel 1:8 ပူးပေါင်းရင်းမြစ်များ

2 Mbaije 8:12

Ajael dəjee pana: See gelee ban ɓa mbai ləm no̰ ne wa. Ndá Elije tel ilá keneŋ pana: Mbata ma m’gər némajel gə́ i a gə ra gə Israɛlje lé: i a gə kila pər dɔ ɓee-booje’g lə dee gə́ siŋga dee to kɔgərɔ-kɔgərɔ ləm, i a gə tɔl basaje lə dee gə kiambas ləm, i a gə rəd ŋgan deeje gə́ nai gɔ-gɔ naŋg ləma, i a gə ta̰ mee denéje lə dee gə́ d’aw gə kèm lé ləm tɔ.

Maktub gə́ wɔji dɔ Jɔb 6:14

Yeḛ gə́ oo ko̰-né lé Lé yeḛ uba goo ɓəl Bao-siŋgamoŋ ya̰ kara Yeḛ aw ndoo meekaw taḭ-taḭ lə baokura ləa ya.

Pakɔsje 43:4

M’a kaw par gə́ loo-nékinjaməs’d gə́ ka̰ Ala Gə́ to Ala gə́ njegin rɔlel ləm gə njegin rɔkal ləm lé, Ǝi Ala, i gə́ to Ala ləm lé M’a kim kṵdu-kag lé pidii ne ya.

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Esai 54:6

Mbata Njesigənea̰ tel ɓari To gə́ dené gə́ d’ubá d’yá̰ Ar kəmee to ndòo bèe ləm, Asəna gə dené gə́ təa gə ma̰dee ba Ndá tel tubá bèe ləm tɔ.

Tagə́maji gə́ Ja̰ ndang 20:13

Deḛ dəjee pana: Dené, gelee ban ɓa i no̰ ne wa. Yeḛ tel ila dee keneŋ pana: Mbata d’ɔr Mbaidɔmbaije ləm nɛ ma m’gər loo gə́ deḛ d’ilá keneŋ el.

Tagə́maji gə́ Ja̰ ndang 20:15

Jeju dəjee pana: Dené, gelee ban ɓa i no̰ ne wa. See na̰ ɓa i saŋgee wa. Mee Mari ndaji ta pana: Yen nà to gə́ njendɔ loo ma̰a kagje neelé aree ulá pana: Mbai, ɓó lé to gə́ i nja ɓa unee aw səa raŋg ndá kara tɔjim loo gə́ ilá keneŋ lé am m’aw m’unee nà.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

Rudu 4:15

Ŋgon neelé a kari tel idi pug-pug ləm, yeḛ a to njegədi loo gə́ i a ɓuga jɔ-jɔ ləm tɔ, mbata məmije gə́ undai dan kəmee’g lé ɓa ojee ya, ndá Rudu lé to ŋgonkəmi unda ŋganje gə́ diŋgam gə́ siri ɓəi.

1 Samel 1:7

Gə ləbje kára-kára lai lé to togə́bè ya. Ndɔ gə́ An aw mee kəi-kubu-si-Njesigənea̰’g ndá Penina lé ulá ndukɔl bèe-bèe ya. Togə́bè ɓa yeḛ no̰ ləm, yeḛ sɔ né el ləm tɔ.