1 Samel 1:7 - Maktub gə́ To gə Kəmee

⁷ Gə ləbje kára-kára lai lé to togə́bè ya. Ndɔ gə́ An aw mee kəi-kubu-si-Njesigənea̰’g ndá Penina lé ulá ndukɔl bèe-bèe ya. Togə́bè ɓa yeḛ no̰ ləm, yeḛ sɔ né el ləm tɔ.

1 Samel 1:7 ပူးပေါင်းရင်းမြစ်များ

Pakɔsje 102:4

Mbata ndɔje ləm lé sané kad to gə́ sa pər bèe ləm, Siŋgarɔmje taa pər gəgəgə to gə́ ta kir bèe ləm tɔ.

Pakɔsje 102:5

Meem o̰ pər tudu kurum-kurum to gə́ mu bèe, Nésɔm kara məəm unda pudum dɔ’g.

Jeremi 41:5

dəwje rɔ-jinaijoo gə́ d’ḭ Sikem, gə Silo, gə Samari ree, deḛ neelé ndisa mbaita dee ləm, kubuje lə dee ŋgisi ləma, deḛ tḭja rɔ dee pədərə-pədərə ləm tɔ. Deḛ ree gə nékarje gə néje gə́ ə̰də sululu mba kaw ne mee kəi’g lə Njesigənea̰.

1 Samel 1:6

Nɛ Niéje lé ulá ndukɔl gə ta meeyèrje mba kar mée ea̰ ne dɔ Njesigənea̰’d gə́ njekaree aw kad lé.

1 Samel 1:8

Elkana gə́ ŋgabeeje lé dəjee pana: See gelee ban ɓa i no̰ ləm, sɔ né el ləm tɔ wa. See gelee ban ɓa ar məəi tuji ar kəmi to ne ndòo wa. See ma m’to maji kəmi’g m’unda ŋganje gə́ diŋgam dɔg el wa.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.

1 Samel 2:19

Gə ləbje kára-kára lai lé kea̰je uru kubu gə́ ŋgal yududu ree ne aree, loo gə́ deḛ gə ŋgabeeje ree mba kinja nékinjaməs gə́ wɔji dɔ ləbje kára-kára lé.