1 Samel 1:3 - Maktub gə́ To gə Kəmee

³ Gə ləbje kára-kára lai lé dəw neelé ḭ ɓee ləa gə́ Rama lé aw mee ɓee-boo gə́ Silo mba kwa Njesigənea̰ gə́ njeboo-néje mée’g ləm, gə mba kinja nékinjanéməsje karee ləm tɔ. Lée neelé Opni gə Pines, ŋgalə Eli gə́ to njékinjanéməsje lé d’isi keneŋ.

1 Samel 1:3 ပူးပေါင်းရင်းမြစ်များ

Pakɔsje 78:60

Yeḛ uba ne loo-siée gə́ Silo ya̰, Yee ɓa to kəi-kubu gə́ yeḛ si ne mbuna dəwje’g lé.

Teḛ-Raga 23:14

Gə mee ləbje kára kára lé seḭ a raje naḭ gə́ wɔji dɔm gɔl munda-munda ya.

Teḛ-Raga 23:17

Mee ləb kára-kára lé diŋgamje lai d’a ree kaar no̰ Mbai gə́ Njesigənea̰’g lé gɔl munda-munda ya.

Teḛ-Raga 34:23

Gɔl munda-munda mee ləbje kára-kára lé diŋgamje lai d’a teḛ kaar no̰ Njesigənea̰ Ala lə Israɛlje’g.

Lugu 2:41

Njékoji Jejuje d’aw Jerusalem gə ləb dee ləb dee ra naḭ Pag keneŋ.

Tel tura Godndu 16:16

Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el.

Jujé 18:1

Koso-dəwje gə́ Israɛl lai mbo̰ dɔ na̰ Silo ndá la kəi-kubu-kiŋga-na̰ keneŋ. Deḛ dum dɔ dəwje gə́ mee ɓee’g neelé.

Njéga̰g-Rəwtaje 18:31

Néndaji gə́ tɔl gə́ tɔl gə́ Mika ra lé deḛ d’unda tar mbata lə dee gə ndəaje lai gə́ kəi-Ala to ne mee loo gə́ Silo’g lé tɔ.

Njéga̰g-Rəwtaje 21:19

Togə́bè deḛ tel pana: Aa ooje, mee ləbje kára-kára lai lé jeḛ n’raje naḭ lə Njesigənea̰ mee ɓee gə́ Silo, gə́ to kel dɔgel lə Betel gə́ to par gə́ bər lə rəw gə́ ḭ Betel aw Sikem ləm, gə dɔkɔl lə Lebona ləm tɔ.

1 Samel 1:21

Gée gə́ gogo Elkana gə dəwje lai gə́ mee kəi’g ləa d’aw mba kinja nékinjaməs gə́ wɔji dɔ ləb kára-kára kar Njesigənea̰ ləm, mba tɔl ne ta ndukun ləa bém ləm tɔ.

1 Samel 1:9

Loo gə́ d’usɔ né gə d’ai né ləm tɔ mee gadloo gə́ Silo’g lé mba̰ ndá An uba naŋg ḭta. Eli gə́ njekinjanéməs lé si dɔ kali’g mbɔr kag-tarəwkəi gə́ to kəi-kubu-si-Njesigənea̰ lé.

1 Samel 14:3

Akija, ŋgolə Akitub, ŋgoko̰ I-Kabod gə́ to ŋgolə Pines gə́ to ŋgolə Eli, njekinjanéməs lə Njesigənea̰ loo gə́ Silo’g lé ula kubu épod rəa’g. Njérɔje lé gər to gə́ Jonatan teḛ aw el.

1 Samel 2:19

Gə ləbje kára-kára lai lé kea̰je uru kubu gə́ ŋgal yududu ree ne aree, loo gə́ deḛ gə ŋgabeeje ree mba kinja nékinjaməs gə́ wɔji dɔ ləbje kára-kára lé.

1 Samel 2:34

Nétɔji gə́ a kari oo ne to gə́ ta nee to tɔgərɔ ya lé a to né gə́ a teḛ dɔ ŋganije joo gə́ ri dee lə Opni gə Pines. Mee ndɔ gə́ kára ba ya d’a kwəi keneŋ joo bɔr.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.

1 Samel 4:11

Pilistije lé taa sa̰duk-manrɔ lə Ala ləm, Opni gə Pines, ŋgalə Eli gə́ joo lé kara d’wəi ləm tɔ.

1 Samel 4:4

Togə́bè deḛ d’ula kula Silo d’ar dee d’un sa̰duk-manrɔ lə Njesigənea̰ gə́ njeboo-néje gə́ loo-siée to mbuna Nékundaje gə́ dara’g lé ree ne. Opni gə Pines, ŋgalə Eli gə́ joo lé d’aar keneŋ gə sa̰duk-manrɔ lə Ala na̰’d tɔ.