1 Samel 1:24 - Maktub gə́ To gə Kəmee

²⁴ Loo gə́ yeḛ ɔgee mbà mba̰ ndá yeḛ aw səa gə bɔ maŋgje munda ləm, gə nduji gə́ ndá léréré as nékwɔji kwɔi-lə-né rɔ-munda ləma, gə mán-nduú gə́ mḭ mee ɓɔl-ndar’g kára ləm tɔ. Yeḛ aw səa kəi-si Njesigənea̰’d gə́ to Silo lé. Ŋgon lé nai gɔ ɓəi.

1 Samel 1:24 ပူးပေါင်းရင်းမြစ်များ

Gḭ-Néje 21:8

Ŋgon lé ra tɔg pir-pir ləm, d’ɔgee loo kil mbà ləm tɔ. Mee ndɔ gə́ d’ɔg Isaak kil mbà’g lé ɓa Abrakam ra naḭ gə́ boo keneŋ ya.

1 Mbaije 11:20

Ŋgoko̰ Tapenɛs gə́ dené lé oji səa ŋgon gə́ diŋgam gə́ ria lə Genubat. Tapenɛs aree odo ŋgon lé mee kəi’g lə Parao̰ ndá Genubat si mee kəi-mbai’g lə Parao̰ mbuna ŋgalə Parao̰’g ya.

Matiyo 13:33

Yeḛ ula dee gosota gə́ raŋg ya tɔɓəi pana: Ɓeeko̰ gə́ dara lé to asəna gə né gə́ ar nduji ti gə́ dené ɔm dan nduji as ŋgo munda’g guru ne saar aree ḭ dor-dor.

Tel tura Godndu 12:11

Bèe ɓa, lé gə́ neelé Ala lə sí gə́ Njesigənea̰ a kɔr kəm loo keneŋ mba kar ria ɓar dɔ’g. Lée gə́ neelé ɓa seḭ a reeje gə néje lai gə́ ma m’un ndum dɔ’g m’ar sí lé: nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar ləm, dɔ koje lə sí gə́ doŋgɔr ləma, gə nékarje lai gə́ seḭ a kɔrje kəmee gə mba karje Njesigənea̰ gə mba tɔl ne ta ndukunje lə sí bém ləm tɔ.

Tel tura Godndu 16:16

Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el.

Jujé 18:1

Koso-dəwje gə́ Israɛl lai mbo̰ dɔ na̰ Silo ndá la kəi-kubu-kiŋga-na̰ keneŋ. Deḛ dum dɔ dəwje gə́ mee ɓee’g neelé.