1 Samel 1:16 - Maktub gə́ To gə Kəmee

¹⁶ Maji kari oo kura ləi gə́ kaiya-dené el mbata némeeko̰ gə nékəmndoo gə́ al dɔm sula ɓa am m’pa ne ta saar ɓasinè ya.

1 Samel 1:16 ပူးပေါင်းရင်းမြစ်များ

Pakɔsje 55:2

Ǝi Ala, maji kari ur mbii gèŋ oo ne ndu tamaji ləm ləm, Un mbii rəw dɔ ta gə́ m’to ne tai’g el ləm tɔ.

Tel tura Godndu 13:13

Ɓó lé seḭ ooje ta gə́ wɔji dɔ ɓee-boo kára mbuna ɓee-booje’g Ala lə sí gə́ Njesigənea̰ ar sí gə mba kar sí síje keneŋ lé pana:

Tel tura Godndu 13:14

Dəwje gə́ njéra né kori-korije d’unda loo mbuna sí’g teḛ gə mba su kəm dəwje gə́ ɓee-boo’g lə dee pana: Ar sí j’awje j’aw m’poleje magəje gə́ seḭ gər deeje kédé el ndá

1 Samel 1:15

An tel ilá keneŋ pana: Wah! mbai ləm, ma m’to dené gə́ m’isi dan kəmndoo’g ɓó m’ai kido əsé nékai gə́ mḭ el. Nɛ ma m’ila rɔm no̰ Njesigənea̰’d gə́ kila ya.

1 Samel 1:17

Eli tel un ta pa pana: Aw gə meekulɔm. Maji kar Ala lə Israɛlje gə́ i ra tamaji təa’g lé ilai keneŋ dɔ tamaji’g ləi ya.

1 Samel 10:27

Nɛ lé bèe kara dəwje gə́ njémeeyèrje gə́ d’isi keneŋ pana: Yen gə́ ɗi bèe wa. Dəw gə́ nee ŋga a taa dɔ sí wa! Yee ɓa deḛ d’ə̰jee ne bəḭ-bəḭ ndá d’un né kára kara d’wa ne səa noji el. Nɛ Sawul oo gə́ né el tɔ.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.

1 Samel 25:25

Maji kar mbai ləm unda mee dɔ Nabal mbə-dəw’g neelé el mbata yeḛ to to gə́ ria bèe. Nabal ɓa gə́ ria ndá yeḛ lé néra mbə ɓa uru kəi mée’g. Ma kura ləi gə́ dené lé m’oo basaje gə́ mbai ləm ula dee lé el.