1 Samel 1:12 - Maktub gə́ To gə Kəmee

¹² Loo gə́ yeḛ ra tamaji ta Njesigənea̰’g ar kuree əw lé ndá Eli aa təa gərərə.

1 Samel 1:12 ပူးပေါင်းရင်းမြစ်များ

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Njé gə́ Epesə 6:18

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.

Njé gə́ Kolosə 4:2

Aije meḛ sí sam-sam dɔ tamaji gə́ seḭ raje lé sije kəmba keneŋ, raje ne Ala oiyo.

1 Njé gə́ Tesalonikə 5:17

raje tamaji ta-ta ləma,

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 1:13

An pata mée’g nɛ dɔtea ndá o̰ ɗèm-ɗèm ɓó dəw oo ndia el. Yen ŋga Eli ə̰ji pana: To kido ɓa rəa