1 Samel 1:10 - Maktub gə́ To gə Kəmee

¹⁰ Dan némeekad’g lé An ra tamaji ta Njesigənea̰’g no̰ ne ɓugudu-ɓugudu tɔ.

1 Samel 1:10 ပူးပေါင်းရင်းမြစ်များ

Gḭ-Néje 30:1

Loo gə́ Rasel oo to gə́ yeḛ as koji ŋgon gə Jakob el ndá yeḛ ra kəmkəḭ dɔ ŋgokea̰ gə́ dené’g ndá yeḛ ula Jakob pana: Am ŋganje nà m’a kwəi!

Gḭ-Néje 50:10

Loo gə́ deḛ ree loo-kunda-kó gə́ Atad gə́ to kel turá, gir baa gə́ Jurdɛ̰ lé ndá deḛ no̰ gə meeko̰ yaa̰ keneŋ d’ar ndu dee ɓar yaa̰ keneŋ tɔ. Jisəb lé no̰ yoo bɔbeeje keneŋ as ndəa siri.

2 Samel 13:36

Loo gə́ yeḛ pata ila naŋg ndá aa oo, ŋgalə mbai lé ree. Deḛ d’ɔr ndu dee gə́ tar wəl no̰ ne, mbai gə kuraje ləa lai kara no̰ d’ar mán-no̰ wa dee mbəgə-mbəgə tɔ.

2 Samel 17:8

Tɔɓəi Usai pana: I gər bɔbije gə njérɔje ləa gao, deḛ to bao-rɔje gə́ ra oŋg yaa̰ asəna gə da-urs gə́ mee wala’d gə́ dəw wa ŋganeeje bèe. Bɔbije to njerɔ ndá yeḛ a to na̰’d gə koso-dəwje loondul’g nee el.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

Maktub gə́ wɔji dɔ Jɔb 10:1

Ma m’ə̰ji si kəmba ləm bəḭ-bəḭ! M’a teḛ gə ta no̰-ndooje ləm gə́ raga ləm, Ma pata gə goo mee kad mbag-mbag ləm ləm tɔ.

Maktub gə́ wɔji dɔ Jɔb 7:11

Gelee gə́ nee ɓa m’a kwa tam el, Néɓəŋgərəti gə́ to məəm’g lé m’a pa ne ta ləm, Meem gə́ adə mbag-mbag lé m’a ndiŋga ne rɔm ya ləm tɔ.

Maktub gə́ wɔji dɔ Jɔb 9:18

Yeḛ ya̰’m am m’taa kəmə el ləma, Yeḛ ar meekad ɓa taa məəm pəl-pəl ləm tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Gosota-Kəmkàrje 14:10

Dəw ya ɓa gər némeeko̰ gə́ to mée’g, Dəw gə́ raŋg a korè səa na̰ dɔ rɔlel’g ləa el.

Esai 38:15

See m’a pa ban wa. Yeḛ ilam keneŋ ləm Am ne né gə́ m’kwɔiyee ləm tɔ. M’a njaa gə ŋgonkoji saar tɔl ne ŋgaŋ ləbje ləm Loo gə́ yeḛ ula kəm ndòo mba̰ lé.

Esai 54:6

Mbata Njesigənea̰ tel ɓari To gə́ dené gə́ d’ubá d’yá̰ Ar kəmee to ndòo bèe ləm, Asəna gə dené gə́ təa gə ma̰dee ba Ndá tel tubá bèe ləm tɔ.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 22:10

Yeḛ gə́ wəi mba̰ lé Maji kar sí nea̰je el ləm, Waje ndòo yée el ləm tɔ. Nɛ yeḛ gə́ aw kəmba Gə́ a tel ree gogo el ləm, A tel koo ɓee-kojee el ləm tɔ lé ɓa Maji kar sí nea̰je.

Nɔ̰-ndôo gə́ wɔji dɔ Jerusalem 3:15

Yeḛ ar meekad taa məəm pəl-pəl ləm, Yeḛ am m’ai ta-a M’aree tɔlm ləm tɔ.

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Njéga̰g-Rəwtaje 21:2

Koso-dəwje d’ḭ d’aw Betel d’aw d’isi no̰ Ala’g lé saar kàrkemetag. D’ɔr ndu dee gə́ tar wəl no̰ ne d’ar mán kəm dee wa dee mbəgə-mbəgə.

Rudu 1:20

Nɛ yeḛ tel ula dee’g pana: Ɓarmje Naomi el, ɓarmje Mara ɓa: tel ta koji sí pana Némeekad, mbata Bao-siŋgamoŋ lé ar məəm adə mbag-mbag ya.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 1:9

Loo gə́ d’usɔ né gə d’ai né ləm tɔ mee gadloo gə́ Silo’g lé mba̰ ndá An uba naŋg ḭta. Eli gə́ njekinjanéməs lé si dɔ kali’g mbɔr kag-tarəwkəi gə́ to kəi-kubu-si-Njesigənea̰ lé.