1 Piɛrə 5:9 - Maktub gə́ To gə Kəmee

⁹ Oseeje rəw, aarje dɔ gɔl sí’g njaŋg dɔ meekun’g lə sí mbata seḭ gərje gao, némeeko̰ gə́ ra sí lé ra ŋgako̰ síje gə́ sané na̰ dɔ naŋg neelé togə́bè ya tɔ.

1 Piɛrə 5:9 ပူးပေါင်းရင်းမြစ်များ

Lugu 22:32

Nɛ ma lé ma m’ra tamaji mbata ləi mba kar kúla meekun ləi gaŋg el. Bèe ndá loo gə́ i a kun kəmi rəw dɔ rəm’g ləi ndá maji kari ula diŋgam meḛ ŋgakɔḭje’g ya.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

1 Njé gə́ Kɔrḭtə 10:13

Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

Njé gə́ Epesə 4:27

Arje njekurai oo loo kuba rɔ sí ndag el.

Njé gə́ Epesə 6:16

Odoje dərje lə sí ta-ta ɔnje ne rɔ sí bura, yee ɓa gə́ meekun lə sí gə́ seḭ a kasjekəm kunda ne ndo̰ niŋga pərje lə njekurai ɓad tɔlje ne pəree.

Njé gə́ Kolosə 2:5

Mbata ɓó lé darɔm godo rɔ sí’g kara ndiləm nai sə sí ya, am m’oo néje lai gə́ seḭ raje mbuna na̰’d to gə goo rəbee ləm, seḭ aarje njaŋg dan meekun’g lə sí gin Kristi’g lé ləm tɔ ɓa m’ra ne rɔlel ya.

1 Njé gə́ Tesalonikə 3:3

mba kar nékəmndoo gə́ seḭ sije keneŋ ɓasinè lé a kar dəw kára kara yə ne el ləm tɔ. Mbata seḭ gərje gao, to né gə́ goso dɔ sí ya.

1 Timote 6:12

Aḭ rɔ dɔ meekun’g ləi ləm, kəmə gə́ gə no̰ gə́ deḛ ɓari keneŋ lé wa kɔgərɔ gə goo ta meekun gə́ inja bao gə́ i ɔr ne gée kəm njékɔrgootareeje’g bula lé ləm tɔ.

2 Timote 3:12

Tɔgərɔ ya, dəwje lai gə́ ndigi ra ɓee gin Kristi’g təd ne kag Ala ndá d’a kula kəm dee ndòo ya.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Ǝbrəje 12:8

Nɛ ɓó lé d’ɔr kəm sí d’wɔji sí kəmkàr el ndá seḭ toje baukoréje ɓó seḭ toje ŋgan meḛ deeje el.

Maktub gə́ Jak ula ne ar ngan-Allaje 4:7

Bèe ndá ɔmje rɔ sí ji Ala’g. Ɔsje Njekurai rəw ɓa yeḛ a kaḭ sí ɓəi.

1 Piɛrə 1:6

Yee ɓa ɓó lé néje ɓəd-ɓəd naa sí ɓasinè ar meḛ sí o̰ sí waga kara rɔ sí lel sí ne

1 Piɛrə 2:21

Yee ɓa deḛ ɓar sí ne gə mbəa mbata Kristi lé ai mée sam-sam dan némeeko̰’g gə́ rəa mbata lə sí mba kar néra sí wa bua kea̰-yeḛ nja tɔ.

1 Piɛrə 3:14

Loo gə́ seḭ sije dan némeeko̰’g mbata seḭ raje né gə goo rəbee kara rɔ sí a lel sí ne. Ɓəlje né gə́ dəwje ɓa ɓəl bèe el ləm, arje meḛ sí pélé wəs-wəs el ləm tɔ.

1 Piɛrə 4:13

Ɓó lé seḭ ɔmje meḛ sí na̰’d sad gə Kristi loo meeko̰’g ləa ndá raje rɔlel mba kar loo gə́ yeḛ a nduba rəa gə́ raga lé dɔ rɔlel lə sí a kɔr ne njal ləm, seḭ a kalje ne rɔ sí səa na̰’d ləm tɔ.

Loo gə́ killa rea kəm Ja̰’g 1:9

Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.

Loo gə́ killa rea kəm Ja̰’g 6:11

D’ar dee kubu gə́ nda gə́ ŋgal yududu-yududu kára-kára lai ndá yeḛ ula dee mba kar dee d’isi d’wa rɔ dee waga saar kar dɔkal deeje gə́ nai d’a ree kiŋga dee ɓəi, yee ɓa wɔji dɔ njéboakulaje lə dee ləm, gə ŋgako̰ deeje gə́ d’a kɔs yoo kwəi to gə́ deḛ bèe ləm tɔ.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.