1 Piɛrə 5:3 - Maktub gə́ To gə Kəmee

³ Aarje no̰ badə-kosoje’g asəna gə nétɔji lə dee gə́ maji ɓó o̰ deeje asəna gə mbaije gə́ njenḭ na̰ dɔ dəwje’g el.

1 Piɛrə 5:3 ပူးပေါင်းရင်းမြစ်များ

Pakɔsje 33:12

Ginkoji dəwje gə́ Njesigənea̰ to Ala lə dee lé D’isi dan rɔlel’g ya, Koso-dəwje gə́ yeḛ ɔr dee unda dee gə kəmee gə́ nédɔji ləa lé Rɔ dee lel dee tɔ.

Pakɔsje 74:2

Koso-dəwje ləi gə́ i taa dee kédé ləw ba lé Maji kari ar məəi olé teḛ dɔ dee’g ya, Deḛ gə́ i nja uga dɔ dee asəna gə ginkoji gə́ to gə́ nédɔji ləi bèe, Mbal gə́ Sio̰ gə́ i ra loo-sii keneŋ lé kara Ar məəi olé teḛ dɔ’g ya ləm tɔ.

Ejekel 34:4

Deḛ gə́ siŋga dee godo lé seḭ raje né mba kar dee d’iŋga ne siŋga dee el ləm, seḭ ajije deḛ gə́ d’oso gə rɔko̰ el ləm, deḛ gə́ d’iŋga doo lé seḭ tɔje ta doo lə dee el ləm tɔ, yeḛ gə́ ndəm lé seḭ aw oneeje reeje səa el ləm, yeḛ gə́ igi lé kara seḭ sa̰geeje el ləm tɔ, nɛ seḭ on deeje gə néra sí gə́ kərm-kərm raje ne sə dee né gə́ kədərə tɔ.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Bula lə Israɛlje 18:7

I seḭ gə ŋganije na̰’d lé a tɔsje kəm sí bao-bao dɔ kula ra sí gə́ wɔji dɔ nékinjaməs ləm, mbata lə néje lai gə́ wɔji dɔ loo-nékinjaməs ləma, gə mbata lə né gə́ to mee kubu-gaŋg-mee-kəi’g ləm tɔ: yee ɓa to kula ra sí gə́ seḭ a raje. Kula gə́ wɔji dɔ nékinjaməs lé to nojimeenda gə́ ma m’wa sə sí. Dəw-dɔ-ɓee gə́ tibi mbɔree ndá d’a tɔlee gə́ tɔl ya.

Tagə́maji gə́ Ja̰ ndang 13:15

Ma nja m’wɔji lé m’ar sí gə mba kar néra sí wa bua kama ya.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

1 Njé gə́ Kɔrḭtə 11:11

Yen ɓa, dené gə diŋgam d’a to gə́ na̰’d kára ba no̰ Mbaidɔmbaije’g.

1 Njé gə́ Kɔrḭtə 3:5

See Apolɔs ɓa gə́ na̰ ɓəi wa. Esé see Pool ɓa gə́ na̰ ɓəi wa. Deḛ joo bɔr to kuraje lə Mbaidɔmbaije gə goo rəw gə́ yeḛ nja ɔr dee ne. Mbɔl dɔ dee-deḛ nja ɓa seḭ ɔmje ne meḛ sí dəa’g.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

2 Njé gə́ Kɔrḭtə 1:24

Jeḛ lé n’ra sə sí rɔlel dɔ meekun’g lə sí gə́ seḭ aarje keneŋ njaŋg ɓó jeḛ saŋg gə mba jaŋ sí dɔ’g el.

2 Njé gə́ Kɔrḭtə 4:5

Jeḛ lé j’ɔr ta gə́ wɔji dɔ rɔ síjeḛ ba el, nɛ jeḛ j’ɔr ta gə́ wɔji dɔ Jeju Kristi, Mbaidɔmbaije lé ləm, j’wa rɔ sí gə́ kuraje lə sí-seḭ gə mbata lə Jeju lé ləm tɔ.

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.

Njé gə́ Pilibə 3:17

Ŋgakɔmje, ndajije kəm-ma ya oreeje kəm sí ndəŋ dɔ deḛ gə́ njaa gə goo rəw gə́ jeḛ n’tɔji sí.

Njé gə́ Pilibə 4:9

Né gə́ ma m’ndoo sí ləm, gə́ ma m’ar sí ləm, gə́ seḭ ooje tam’g ləma, gə́ seḭ ooje rɔm’g ləm tɔ lé maji kar sí raje née ya. Bèe ɓa Ala gə́ njeyelko meelɔm lé a nai sə sí ya.

1 Njé gə́ Tesalonikə 1:7

Gelee gə́ nee ɓa, seḭ telje toje néndajikəm lə njétaamee-Kristije lai gə́ d’isi Masedoinə ləm, gə Akai ləm tɔ.

2 Njé gə́ Tesalonikə 3:9

J’askəm dəji sí né ya, nɛ jeḛ j’ɔg rɔ sí dɔ’g mba kar sí ndajije ne kəm síjeḛ tɔ.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

Titə 2:7

Nérai gə́ maji ɓa i a tɔji dee ne loo néraje gə́ maji gə́ gə ria-ria ləm, ar ta ndoo ləi lé to ta gə́ àr ŋgad-ŋgad gə́ kəm kar dee taa ləma,

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.