1 Piɛrə 4:9 - Maktub gə́ To gə Kəmee

⁹ Waje na̰ mbá gə́ majee bur-bur ɓó imje rɔ sí dɔ’g el.

1 Piɛrə 4:9 ပူးပေါင်းရင်းမြစ်များ

Gḭ-Néje 24:19

Loo gə́ yeḛ aree ai mán lé mba̰ ndá yeḛ pana, M’a to mán kar jambalje ləi lé kara d’ai d’aree as dee nag ɓa.

Njé gə́ Rɔmə 12:13

Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.

Njé gə́ Rɔmə 16:23

Gayus, gə́ njekwam gə́ rəa’g lé ləm, gə́ ar Eglisəje lai mbo̰ dɔ na̰ kəi-mbá’g ləa ləm tɔ lé ra sí lapia. Erastə gə́ njeŋgəm lar gə́ mee ɓee’g neelé, deḛ gə Kartus, ŋgoko̰ sí lé deḛ ra sí lapia tɔ.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

Njé gə́ Pilibə 2:14

Raje néje lai gə rɔkim el ləm, gə maḭje gə rɔ sí dɔ’g el ləm tɔ.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

Titə 1:8

Nɛ maji karee to njekwambá bur-bur ləm, gə njekɔrkura gə njéra némajije ləm, gə njemeendər ləm, gə njera né gə́ gə goo rəbee ləm, gə a to dəw gə́ to gə kəmee ləma, əsé gə njekwarea səm kaw ləm tɔ.

Piləmɔ̰ 1:14

Nɛ ma m’ndigi koo gə́ ndui’g ɓa ɓó m’a ra né gə dɔrɔm el ɓəi, mba kar maji gə́ i a gə ra lé i a ra gə məəi ɓó dəw a jaŋgi dɔ’g el.

Ǝbrəje 13:16

Maji kar sí lal ra meemaji gə mar síje el ləm, lal kwa sə dee noji el ləm tɔ, mbata nékinjaməs lə sí gə́ togə́bè ɓa taa kəm Ala ya.

Ǝbrəje 13:2

Arje meḛ sí wəi dɔ kwa na̰ mbá’g pə-pə el, mbata njé gə́ na̰je d’wa mar deeje mbá ɓa d’ɔs ne dɔ dee rɔ kuraje gə́ dara’g ɓəi.

Maktub gə́ Jak ula ne ar ngan-Allaje 5:9

Ŋgakɔmje, imje na̰ el mba kar dəw gaŋgta dɔ sí-seḭ’g el tɔ. Aa ooje, njegaŋ-rəwta aar takəi’g pèrèrè mba̰.