1 Piɛrə 3:3 - Maktub gə́ To gə Kəmee

³ Né rab rɔ sí gə́ raga gə́ wɔji dɔ dɔ sí gə́ kwa ləm, gə néra ma̰də gə́ ra gə larlɔr ləma, gə kubuje gə́ bḭ maji ləm tɔ lé maji kar sí saŋgje el,

1 Piɛrə 3:3 ပူးပေါင်းရင်းမြစ်များ

Gḭ-Néje 24:22

Loo gə́ jambalje d’ai mán mba̰ ndá dəw neelé un ŋgama larlɔr gə́ kwɔi ləa as ŋgan nékwɔji kwɔi-lə-né dɔg ləm, odo nḭgá larlɔrje joo gə́ kwɔi lə dee unda ŋgan nékwɔji kwɔi-lə-né tɔl-tɔl ləm tɔ.

Gḭ-Néje 24:47

Ma m’dəjee m’pana: See yeḛ to ŋgolə nawa. Yeḛ ilam keneŋ pana: Neḛ n’to ŋgolə Betuel gə́ to ŋgolə Naɔr gə Milka. Ma m’ula ŋgama əmee’g ləm, ma m’ula niŋgáje jia’g ləm tɔ.

Gḭ-Néje 24:53

Yen ŋga kura lé teḛ gə néje gə́ ra gə larnda gə larlɔr ləm, gə kubuje ləm tɔ ar Rebeka. Yeḛ ar ŋgokea̰ gə́ diŋgam gə kea̰je nébaoje gə́ lar dee uru kugu tɔ.

2 Mbaije 9:30

Jehu teḛ mee ɓee gə́ Jisreel. Loo gə́ Jejabel oo ta ləa ndá yeḛ unda néma̰d kəmee’g ləm, tula dəa aree yen pə ləm tɔ, aa ne loo par gə́ kəmbolè’g.

Este 5:1

Ndɔ gə́ njekɔm’g munda lé Este ula kubu-mbai rəa’g ndá aw aar ne mee gadloo’g mee kəi’g lə mbai, no̰ kəi’g lə mbai. Mbai lé si dɔ kalimbai ko̰ɓee’g ləa mee kəi-mbai’g no̰ loo kandə kaw mee kəi’g.

Pakɔsje 45:9

Ubu gə́ rəd gə timbá, gə ko̰-nduja, gə bel-derba lé baḭ dee ə̰də kubuje’g ləi sululu, Mee kəi-mbai gə́ ra gə ŋgaŋ kər lé Nékimje gə́ ra gə kúla lé d’ar rɔi leli ne.

Teḛ-Raga 3:22

Dené gə́ rara kara a kwɔi njeboatakəi ləa gə́ dené əsé yeḛ gə́ si mee kəi’g ləa tɔ, a kwɔi dee néje gə́ ra gə larnda gə larlɔr ləm, a kwɔi dee kubuje ləm tɔ, ndá kubuje neelé seḭ a kulaje rɔ ŋgan síje gə́ diŋgam gə njé gə́ dené’g. Bèe ɓa seḭ a kubaje njé gə́ Ejiptə néje lə dee taaje ya.

Teḛ-Raga 32:2

Aaro̰ ula dee pana: Tɔrje mbai ŋgira larlɔrje gə́ to mbi denéje’g lə sí ləm, gə mbi ŋgan síje gə́ diŋgam gə njé gə́ dené’g ləm tɔ lé reeje ne amje.

Teḛ-Raga 33:4

Loo gə́ dəwje d’oo ta né ndəji kɔr neelé ndá ɓəŋgərə dee a gə ti dus, ar dəw kára kara ula néra basa əsé néra ma̰də rəa’g el.

Teḛ-Raga 35:22

Diŋgamje kara ree to gə́ denéje ree bèe ya, deḛ lai gə́ d’wɔji meḛ dee’g lé d’odo néje gə́ ta ndarje’g ləm, gə mbaiŋgiraje ləm, gə ŋgamaje ləm, gə niŋgáje ləma, gə néje gə́ raŋg ɓəd-ɓəd gə́ ra gə larlɔr ləm tɔ, nana kara ar nékarnoji gə́ to larlɔr gə́ yeḛ ɔr unda gə kəmee ar Njesigənea̰ lé.

Teḛ-Raga 38:8

Yeḛ ra bai-togo-rɔ gə larkas ləm, gelee kara ra gə larkas ləm tɔ, nékoo-kəm lə denéje gə́ mbo̰ dɔ na̰ ta kəi-kubu-si-Ala’g lé ɓa yeḛ iŋga larkas neelé keneŋ ya.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 4:30

Nɛ seḭje gə́ Jerusalem lé See ɗi ɓa a raje wa. Seḭ a kulaje kubu gə́ kas njir-njir rɔ sí’g ləm, Seḭ a ɗɔije rɔ sí gə néɗɔi-rɔje Gə́ ra gə larlɔr ləma, Seḭ a ndəmje pɔrɔ kəm sí’g ləm tɔ. Nɛ seḭ a ɗɔije rɔ sí pi. Deḛ gə́ njéndigi síje lé D’a kḛji sí bəḭ-bəḭ ləm, D’a ndigi kar sí wəije ləm tɔ.

Ejekel 23:40

Tɔɓəi deḛ d’ula kula ɓar diŋgamje gə́ dɔ ɓee gə́ əw’g, d’ula njékaḭkulaje rɔ dee’g ndá aa ooje, deḛ d’ḭ d’ḭ kalaŋ ree tɔ. Gə mbata lə dee-deḛ ndá i ndogo mán ləm, i tɔs pɔrɔ kəmi’g ləma, i ɗɔi rɔi gə néma̰dje ləi ləm tɔ.

Njé gə́ Rɔmə 12:2

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

1 Piɛrə 3:2

kag dee gə́ seḭ a tədje ləm, gə meḛ sí gə́ nda dɔ dee’g kaḭ ləm tɔ lé ɓa seḭ a kiŋga deeje ne ya.