1 Piɛrə 3:2 - Maktub gə́ To gə Kəmee

² kag dee gə́ seḭ a tədje ləm, gə meḛ sí gə́ nda dɔ dee’g kaḭ ləm tɔ lé ɓa seḭ a kiŋga deeje ne ya.

1 Piɛrə 3:2 ပူးပေါင်းရင်းမြစ်များ

Njé gə́ Epesə 5:33

Togə́bè ɓa, maji kar nana kara mbuna sí’g unda dené ləa dan kəmee’g to gə́ yeḛ ra ne gə darəa-yeḛ nja bèe ləm, dené kara maji karee tədkag ŋgabeeje tɔ.

Njé gə́ Epesə 6:5

Seḭ kuraje lé ilaje ŋgonkoji dɔ ɓée síje’g gə́ dɔ naŋg nee gə meendakaḭ, ɓəlje ne kəm dee ləm, osoje ne kul no̰ dee’g ləm tɔ, to gə́ seḭ ɓəlje ne Kristi.

Njé gə́ Pilibə 1:27

Yee nja m’ula sí kən, arje néra sí wa bua Tagə́maji lə Kristi, togə́bè ɓa, lé m’a kaw koo sí əsé lé m’a godo mbuna sí’g ndá kara m’a koo to gə́ seḭ aarje dɔ gɔl sí’g njaŋg loo kára ba ləm, seḭ undaje siŋga sí na̰’d mba koma̰ gə né gə́ a tuji meekun gə́ wɔji dɔ Tagə́maji lé ləm tɔ,

Njé gə́ Pilibə 3:20

Nɛ jeḛ lé jeḛ n’to gə́ kojikəi gə́ dara, yee nja ɓa Mbaikaji lə sí Mbaidɔmbaije Jeju Kristi gə́ jeḛ ŋginá lé a kḭ keneŋ ree lé.

Njé gə́ Kolosə 3:22

Seḭ kuraje lé né gə́ rara kara ilaje ŋgonkoji dɔ ɓée síje gə́ dɔ naŋg nee, seḭ a raje togə́bè gə mba kəm dee goo kára ba əsé gə mba taa ne kəm dəwje el nɛ seḭ a raje gə meenda ɓəlje ne Mbaidɔmbaije ya.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Piɛrə 1:15

Nɛ to gə́ yeḛ gə́ ɓar sí lé to njemeenda ndá maji kar sí-seḭ kara a karje néra sí gə́ gə lée-lée to gə kəmee bèe tɔ,

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

1 Piɛrə 3:1

Seḭ denéje lé maji kar sí tədjekag ŋgaw síje mba kar ɓó lé njé gə́ na̰je d’ila koji dɔ kankəmta’g neelé ndá néra gə́ maji lə denéje lə dee ɓa a kar dee d’ila ne koji dɔ’g ya. Ɓó lé seḭ a kula deeje ta gə́ raŋg kára el kara

1 Piɛrə 3:3

Né rab rɔ sí gə́ raga gə́ wɔji dɔ dɔ sí gə́ kwa ləm, gə néra ma̰də gə́ ra gə larlɔr ləma, gə kubuje gə́ bḭ maji ləm tɔ lé maji kar sí saŋgje el,

2 Piɛrə 3:11

To gə́ néje lai neelé d’a gə roo dula-dula togə́bè nɛ ɓəd ɓa see seḭ a toje dəwje gə́ to gə kəmee gə goo panjaa sí ləm, gə néra sí gə́ aw gə goo ka̰ Ala ləm tɔ lé el wa.