1 Mbaije 9:9 - Maktub gə́ To gə Kəmee

⁹ Tɔɓəi d’a kila dee keneŋ pana: Mbata deḛ d’uba Njesigənea̰, Ala lə dee gə́ ar bɔ deeje-je d’unda loo mee ɓee gə́ Ejiptə teḛ lé d’yá̰ ləm, mbata deḛ reḛ́ goo magəje’g rḛ́-rḛ́ d’unda barmba dəb kəm dee naŋg no̰ dee’g pole dee ləm tɔ, gelee gə́ ne ɓa Njesigənea̰ ar néje gə́ majel lai neelé teḛ ne dɔ dee’g gə mbəa ləm tɔ.

1 Mbaije 9:9 ပူးပေါင်းရင်းမြစ်များ

1 Mbaije 18:18

Eli tel ilá keneŋ pana: To ma ɓa m’ula kəm Israɛlje ndòo el, nɛ to i seḭ gə njémeekəije lə bɔbije ya, mbata seḭ ubaje godnduje lə Njesigənea̰ ya̰je, tɔɓəi i aw goo magə-Baalje’g tɔ.

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

2 Sôrta Gḭka Israɛlje 29:8

Gelee gə́ nee ɓa oŋg lə Njesigənea̰ kara oso ne dɔ Judaje’g gə njé gə́ Jerusalem’g ndá yeḛ ar néɓəŋgərəti dəb dɔ dee’g ar dee tel to ne né gə́ ra dəwje ɓəl gə nékula sul dɔ’g to gə́ seḭ ooje ne gə kəm sí neelé tɔ.

2 Sôrta Gḭka Israɛlje 7:22

Ndá d’a kilá dee keneŋ pana: Mbata deḛ d’uba Njesigənea̰ d’yá̰ ləm, mbata deḛ d’ɔm na̰’d gə magəje d’unda barmba dəb kəm dee naŋg no̰ dee’g pole dee ləm tɔ, gelee gə́ bèe ɓa yeḛ ar néje gə́ majel lai neelé teḛ ne dɔ dee’g gə mbəa.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 22:8

Ginkoji dəwje gə raŋg bula d’a dəs mbɔr ɓee-boo’g neelé ndá d’a dəji na̰ ta yo gə́ nee pana: See gelee ban ɓa Njesigənea̰ ra gə ɓee-boo neelé né gə́ togə́bè wa.

Jeremi 44:23

Mbata seḭ tuuje né gə́ ə̰də sululu raje ne kaiya ɔsje ne ta lə Njesigənea̰ rəw ləm, mbata seḭ unje mbi sí rəw dɔ ta’g lə Njesigənea̰ ləma, seḭ aaje dɔ godndiaje, gə ndukunje ləa, gə torndiaje el ləm tɔ, gelee gə́ nee ɓa némeekonje nee teḛ ne dɔ sí’g to gə́ d’oo ne ɓogənè lé tɔ.

Jeremi 5:19

Ɓó lé seḭ paje pana: See gelee ban ɓa Njesigənea̰, Ala lə sí ra sə sí né gə́ togə́bè wa. Ndá m’a tel kila sí keneŋ pana: To gə́ seḭ ubamje ya̰’mje mba ra né kar magəje gə́ dɔ ɓeeje’g mee ɓee’g lə sí lé togə́bè ɓa seḭ a raje né kar dəw-dɔ-ɓeeje mee ɓee gə́ to ka̰ sí el tɔ.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Nɔ̰-ndôo gə́ wɔji dɔ Jerusalem 2:15

Dəwje lai gə́ dəs rəbə lé D’unda ji dee dɔi’g ləm, Deḛ d’ur kɔl ləma, Deḛ tuŋga dɔ dee jəgm-jəgm Kogo ne Jerusalem ləm tɔ Pa ne pana: See ɓee-boo gə́ kédé ɓaree Yee gə́ ma̰də péd-péd Yee gə́ to nérɔlel lə dɔ naŋg lai lé ya nee wa.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.