1 Mbaije 9:7 - Maktub gə́ To gə Kəmee

⁷ m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

1 Mbaije 9:7 ပူးပေါင်းရင်းမြစ်များ

1 Mbaije 11:10

Mbata kédé lé Ala ɔgee kaw rɔ magəje’g, nɛ Salomo̰ aa dɔ ndukunje lə Njesigənea̰ lé el.

1 Mbaije 9:3

Njesigənea̰ ulá pana: M’oo tamaji gə ndòo ra ləi gə́ i ra tam’g lé ya ndá ma m’unda ne kəi gə́ i ra mba kar rim ɓar ne saar-saar gə no̰ lé gə kəmee ləm, m’a kar kəm gə məəm to dɔ’g ta-ta ya ləm tɔ.

2 Mbaije 25:21

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ.

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 36:19

Deḛ roo kəi-Ala ləm, deḛ təd ndògo-bɔrɔje gə́ Jerusalem ləm, deḛ tila pər dɔ kəi-mbaije’g ləma, deḛ tuji néje gə́ gad dee to yaa̰ pugudu-pugudu ləm tɔ.

2 Sôrta Gḭka Israɛlje 7:20

m’a tɔr sí mee ɓee’g ləm gə́ ma m’ar sí lé ləm, m’a kɔr rɔm mee kəi’g nee gə́ m’unda gə kəmee gə́ rim ɓar keneŋ kunda rɔm ŋgərəŋ ləm tɔ ndá kəi neelé a to nédəjindu gə nékogo mbuna ginkoji dəwje gə raŋg’g lai ya.

Pakɔsje 44:14

I ar sí n’tel to nérɔkul gə́ boo kəm njéboataɓeeje’g lə sí ləm, Deḛ gə́ d’aḭ dɔ sí sub kara I ar sí n’tel to nékunda-kogo gə nédəjindu lə dee ya ləm tɔ.

Pakɔsje 44:15

I ar sí n’tel to nékɔrsu lə ginkoji dəwje gə raŋg ləm, Gə nétuga dɔ jəgm-jəgm mbuna koso-dəwje’g ləm tɔ.

Pakɔsje 69:11

M’no̰ gə mán-no̰ kəm’g ləm, M’ɔg ne məəm ɓó ləm tɔ, Yee ɓa ar dee tajim ne.

Esai 65:15

Seḭ a kya̰je ri sí Karee to gə́ nékubu rɔ lə koso-dəwje ləm Gə́ m’unda dee gə kəmee, Mbaidɔmbaije gə́ Njesigənea̰ a kar sí wəije mburug Ndá yeḛ a kar kuraje ləa ri gə́ raŋg.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 26:6

m’a ra gə kəi neelé to gə́ m’ra gə Silo bèe ləm, m’a kar ɓee-boo neelé tel to nékila ndɔl dɔ’g lə ginkoji dəwje gə raŋg lai gə́ dɔ naŋg nee ləm tɔ.

Jeremi 44:8

See gelee ban ɓa seḭ arje məəm ḭ səm jugugu gə néje gə́ seḭ raje gə ji sí, tuuje ne né gə́ ə̰də sululu arje magəje gə́ mee ɓee gə́ Ejiptə gə́ seḭ ree síje keneŋ lé gə mba kam m’ar sí uduje ne guduru ləm, gə kar sí toje ne nékila ndɔl dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg’g lai dɔ naŋg nee bèe wa.

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Nɔ̰-ndôo gə́ wɔji dɔ Jerusalem 1:8

Njé gə́ Jerusalem lé d’ar kaiya ra dee Ḭ dɔ maree’d gə́ kédé-kédé, Gelee gə́ nee ɓa deḛ tel to ne néje gə́ to kḛji ya. Deḛ lai gə́ to njékula rɔnduba dɔ dee’gje lé D’ə̰ji dee bəḭ-bəḭ loo gə́ deḛ d’oo dee Loo-kaw-kudu-dum’g lə dee. Ndá deḛ kara tuma̰ ne ŋgururu-ŋgururu ləm, Tel ne kəm dee par gə́ raŋg ləm tɔ.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Matiyo 23:38

Aa ooje, d’a kuba kəi lə sí kya̰ mée wəl kar sí.

Matiyo 24:2

Nɛ yeḛ tel ila dee keneŋ pana: Néje lai neelé see aaje lai ooje ya wa. Ma m’ula sí təsərə, mbal gə́ rara gə́ to dɔ na̰’d gə́ a lal jura naŋg el lé kára kara godo.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Tel tura Godndu 28:37

Seḭ a tel toje né kar kaar dəwje wa dee ne paḭ ləm, gə nékunda kogo ne ləma, gə nédəjindu ləm tɔ mbuna ginkoji koso-dəwje lai gə́ Njesigənea̰ a gə kaw sə sí rɔ dee’g lé.

Tel tura Godndu 4:26

Ɓogənè ma m’ɓar dara gə naŋg nee gə mba kar dee to njékɔrgootaje ləm: ɓó lé seḭ raje kaiya gə́ togə́bè ndá yoo a ree gə tɔgee ya kar sí saneje ne kad mee ɓee gə́ seḭ a kaw taaje gə́ né ka̰ sí gir baa gə́ Jurdɛ̰’g nu lé, seḭ a síje keneŋ kuru sí əw el mbata seḭ a tujije ya.

Jujé 23:16

Ɓó lé seḭ alje ta ta manrɔ gə́ Njesigənea̰, Ala lə sí ar sí ləm, ɓó lé seḭ poleje magəje undaje ne barmba no̰ dee’g ləm tɔ ndá oŋg lə Njesigənea̰ a kḭ səa pu dɔ sí’g ndá seḭ a tujije ne kalaŋ mee ɓee’d gə́ maji gə́ yeḛ ar sí lé ya.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.