1 Mbaije 9:6 - Maktub gə́ To gə Kəmee

⁶ Nɛ ɓó lé seḭ ubamje ya̰’mje, seḭ əsé ŋgan síje ləm, ɓó lé seḭ aaje dɔ godndumje gə torndumje gə́ ma m’un m’ar sí lé el ləm, ɓó lé seḭ aw poleje magəje ləma, gə undaje barmba no̰ dee’g ləm tɔ ndá,

1 Mbaije 9:6 ပူးပေါင်းရင်းမြစ်များ

2 Mbaije 18:12

mbata deḛ d’oo ndu Njesigənea̰, Ala lə dee el ləm, deḛ d’uba ta manrɔ ləa d’ya̰ ləm, mbata deḛ d’oo ta ləa el ləma, néje lai gə́ Njesigənea̰ un ndia dɔ’g gə ndu Moyis, kura ləa lé kara deḛ ra née el ləm tɔ.

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

2 Sôrta Gḭka Israɛlje 15:2

ndá Ajaria aw aar no̰ Asa’g ulá pana: Ooje ta ləm maji, Asa seḭ gə Judaje gə Bḛjamije lai! Njesigənea̰ nai sə sí loo gə́ seḭ naije səa, ɓó lé seḭ sa̰geeje ndá seḭ a kḭgáje, nɛ ɓó lé seḭ ubáje yá̰je ndá yeḛ kara a kuba sí kya̰ sí tɔ.

Pakɔsje 89:30

N’a karee ŋgakeaje gə́ kédé-kédé gə no̰ ləm, Kalimbai ləa a to njaŋg to gə́ dara kara to ne njaŋg bèe ləm tɔ.

Pakɔsje 89:31

Ɓó lé ŋganeeje d’uba godndu neḛ d’ya̰ ləm, Mbad njaa gə goo tornduje lə neḛ ləma,

Pakɔsje 89:32

Ɓó lé d’al ta dɔ taje gə́ neḛ ndoo dee’g Lal kaa dɔ godndu neḛje ləm tɔ ndá

Jeremi 26:4

A kula dee pana: Njesigənea̰ pa togə́bè pana: Ɓó lé seḭ ooje ta ləm gə mba njaa gə goo godndum gə́ m’unda no̰ sí’g el ləm,

Nɔ̰-ndôo gə́ wɔji dɔ Jerusalem 1:8

Njé gə́ Jerusalem lé d’ar kaiya ra dee Ḭ dɔ maree’d gə́ kédé-kédé, Gelee gə́ nee ɓa deḛ tel to ne néje gə́ to kḛji ya. Deḛ lai gə́ to njékula rɔnduba dɔ dee’gje lé D’ə̰ji dee bəḭ-bəḭ loo gə́ deḛ d’oo dee Loo-kaw-kudu-dum’g lə dee. Ndá deḛ kara tuma̰ ne ŋgururu-ŋgururu ləm, Tel ne kəm dee par gə́ raŋg ləm tɔ.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.