1 Mbaije 9:4 - Maktub gə́ To gə Kəmee

⁴ Ɓó lé i njaa nɔm’g to gə́ bɔbije Dabid njaa ne nɔm’g gə meendakaḭ gə meekarabasur ra ne néje gə́ m’un ndum dɔ’g m’ari ləm, ɓó lé i aa dɔ godndumje gə ndukunje ləm ləm tɔ ndá,

1 Mbaije 9:4 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 20:5

See to yeḛ nja ɓa ulam pana: Yeḛ to ŋgoko̰ neḛ gə́ dené el wa. See yeḛ nja kara pa pana: Yeḛ to ŋgoko̰ neḛ gə́ diŋgam el wa. Ma m’ra né gə məəm gə́ àr ŋgad-ŋgad ləm, jim kara ra né gə́ majel el ləm tɔ.

2 Samel 22:22

Mbata ma lé m’aa dɔ rəwje lə Njesigənea̰ kər-kər ya. Ta kára kara wa dɔm no̰ Ala’g lé ləm el.

1 Mbaije 11:38

Ɓó lé i ila ŋgonkoji dɔ néje lai gə́ m’a kun ndum dɔ’g kari ləm, ɓó lé i njaa dan kila-rəwje’g ləm ləma, ɓó lé i ra néje gə́ danasur kəm’g, k’aa ne dɔ godndumje gə torndumje to gə́ Dabid, gə́ to kura ləm ra bèe ləm tɔ ndá m’a nai səi ləm, m’a ra kəi gə́ ŋgəŋ ŋgəŋ-ŋgəŋ kari ləm tɔ, to gə́ ma m’ra ne m’ar Dabid ndá m’a kɔm Israɛlje jii’g ya.

1 Mbaije 11:4

Loo gə́ Salomo̰ ɓuga ndá denéje ləa tel mée gə́ dɔ magəje’g ndá yeḛ ar mée to kára ba sur dɔ Njesigənea̰, Ala’g lé ləa to gə́ bɔbeeje gə́ Dabid bèe lé el ŋga.

1 Mbaije 11:6

Salomo̰ ra néje gə́ majel kəm Njesigənea̰’g ləm, yeḛ un goo Njesigənea̰ lad-lad to gə́ bɔbeeje Dabid lé bèe el ləm tɔ.

1 Mbaije 14:8

Ma m’taa ɓeeko̰ ji gel-bɔje’g lə Dabid m’ari, nɛ i to asəna gə kura ləm gə́ Dabid gə́ aa dɔ godndumje ləm, gə njaa goom’g gə ŋgaw mée bura ləma, gə ra né gə́ danasur kəm’g ləm tɔ lé el.

1 Mbaije 15:5

Mbata Dabid ra né gə́ danasur kəm Njesigənea̰’g loo gə́ yeḛ si ne gə kəmə ɓəi lé, godnduje lai lé yeḛ un kára kara telee raŋg el nɛ ta gə́ wɔji dɔ Uri, dəw gə́ Het lé ɓa.

1 Mbaije 3:14

Bèe ɓa ɓó lé i njaa dan kila-rəwje’g ləm ləm, gə aa dɔ godndumje gə torndumje ləm tɔ, to gə́ bɔbije Dabid ra ndá m’a kɔm ndɔje ləi dɔ maree’g ya.

1 Mbaije 3:3

Salomo̰ unda Njesigənea̰ dan kəmee’g ləm, gə un néraje lə bɔbeeje gə́ Dabid lad ləm tɔ. Nɛ né kára ba lé dɔ looje’d gə́ ndəw ya kára ba ɓa yeḛ inja nékinjanéməsje keneŋ ləm, yeḛ roo néje gə́ ə̰də sululu keneŋ ləm tɔ.

1 Mbaije 3:6

Salomo̰ tel ilá keneŋ pana: I ra gə bɔm Dabid gə́ to kura ləi lé boo-némeemajije mbata yeḛ njaa nɔḭ’g gə ŋgonkoji ləm, gə néra gə́ gə dɔ najee ləma, mée to kára ba sur dɔi’g ləm tɔ, gə goo boo-némeemajije neelé ɓa i aree ne ŋgon gə́ si dɔ kalimbai’g ləa ɓogənè ya.

1 Mbaije 6:12

Ɓó lé i njaa gə goo godndumje ləm, ɓó lé i ra né gə goo torndumje ləma, ɓó lé i aa dɔ ndukunje ləm njaa keneŋ ləm tɔ ndá m’a kar ta ndukun ləm gə́ m’un m’ar bɔbije Dabid m’wɔji ne dɔi lé a kaw lée’g béréré ya,

1 Mbaije 8:25

Ɓasinè Njesigənea̰, Ala lə Israɛlje, maji kari aa dɔ ndukun gə́ i un ar bɔm Dabid gə́ i pa ne pana: I a lal njetaa tori dɔ kalimbai’g lə Israɛlje nɔm’g nda̰ el nɛ maji kar ŋganije d’unda kəmkàr dɔ rɔ dee’g, njaa ne nɔm’g to gə́ i njaa ne nɔm’g bèe tɔ.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

2 Sôrta Gḭka Israɛlje 17:4

nɛ yeḛ ula rəa ndubu mba gər torndu Ala lə bɔbeeje ləm, yeḛ aa dɔ godndiaje kər-kər lal ndaji néra lə Israɛlje ləm tɔ.

Pakɔsje 101:2

M’a kunda kəmkàr dɔ rɔm’g dɔ rəw gə́ danasur’g. See ndɔ gə́ ra ɓa i a ree pər gə́ rɔm’g ɓəi wa. Ma lé m’a njaa mbuna njémeekəije’g ləm lé gə meendakaḭ.

Pakɔsje 128:1

Pakɔs kḭ kaw tuga ne loo ɗao-ɗao gə́ tar. Rɔlel nai gə dəwje gə́ ɓəl Njesigənea̰ Deḛ gə́ njaa gə goo kila-rəwje ləa lé.

Pakɔsje 15:2

Yeḛ gə́ njaa rəw néra gə́ danasur’g ləm, Gə ra né gə́ gə dɔ najee ləma, Gə pata gə goo kankəmta gə́ to mée’g ləm tɔ ɓa.

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Pakɔsje 26:11

Ma lé m’njaa gə goo néra gə́ gə dɔ najee, Bèe ndá maji kari ɔrm ne ji dee’g Oo ne kəm lootondoo’g ya kari.

Pakɔsje 78:72

Ndá Dabid lé ul dee gə mée gə́ kára ba sur ləm, Yeḛ ɔr no̰ dee gə jia gə́ gər goso kul néje ləm tɔ.

Gosota-Kəmkàrje 10:9

Yeḛ gə́ njaa danasur lé A nda mée kaḭ dɔ loo kabee’g, Nɛ yeḛ gə́ un rəwje gə́ nduni koŋ-koŋ lé Gelee a teḛ gə́ raga ɓəi.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Gosota-Kəmkàrje 28:18

Yeḛ gə́ njaa gə goo rəbee lé a kaji ne, Nɛ yeḛ gə́ un rəwje joo gə́ nduni lé a koso yeḛ gə́ kára’g.

Ejekel 18:9

yeḛ un godnduje lə neḛ lad-lad ləma, yeḛ aa dɔ ndukunje lə neḛ kər-kər ra née gə ŋgonkoji ləm tɔ ndá debee neelé to njera né gə́ gə dɔ najee, yeḛ a si kəmba ya. Mbaidɔmbaije gə́ Njesigənea̰ ɓa pa bèe.

Jakari 3:7

Njesigənea̰ gə́ njeboo-néje pa togə́bè pana: Ɓó lé i njaa gə goo rəwje lə neḛ ləm, Ɓó lé i aa dɔ tornduje lə neḛ ləm tɔ ndá I a to njegaŋ-rəwta mee kəi’g lə neḛ ləm, I a kaa dɔ gad ndògo lə neḛ ləma, N’a kari askəm kandə mbuna dee-deḛ gə́ d’isi nee lé ləm tɔ.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Tel tura Godndu 28:1

Ɓó lé seḭ ilaje ŋgonkoji dɔ tapa Njesigənea̰ Ala’g lə sí ləm, gə́ aaje dɔ godnduje lai gə́ ma m’un m’ar sí ɓogənè mba ra née ləm tɔ ndá Ala lə sí gə́ Njesigənea̰ a kar sí urje dɔ ginkoji dəwje gə raŋg’g lai dɔ naŋg nee.