1 Mbaije 9:1 - Maktub gə́ To gə Kəmee

¹ Loo gə́ Salomo̰ tɔl kula kunda kəi lə Mbaidɔmbaije ləm, gə kəi lə mbai, gə néje lai gə́ yeḛ wɔji mba ra ləm tɔ lé bèm ndá,

1 Mbaije 9:1 ပူးပေါင်းရင်းမြစ်များ

1 Mbaije 3:1

Salomo̰ ɔm na̰’d gə Parao̰, mbai gə́ Ejiptə gə goo rəw taa gə́ yeḛ taa ŋgonee gə́ dené kára gə́ dené ləa lé. Yeḛ ree səa aree si mee ɓee-boo’g lə Dabid, saar karee tɔl kula gə́ wɔji dɔ kəi ləa-yeḛ ləm, gə kəi lə Njesigənea̰ ləma, gə ndògo-bɔrɔ gə́ gugu dɔ Jerusalem ləm lé bém tɔ.

1 Mbaije 6:37

Mee ləb gə́ njekɔm’g sɔ mee naḭ Jip’g lé ɓa deḛ tum gin kəi lə Njesigənea̰ keneŋ ndá,

1 Mbaije 7:1

Salomo̰ unda kəi ləa-yeḛ ya tɔɓəi saar as ləb dɔg-giree-munda ɓa yeḛ tɔl kəi ləa lé bém ɓəi.

1 Mbaije 7:2

Kédé ndá yeḛ unda kəi gə́ ɓaree Mee-kag-kɔr gə́ Liba̰, ndá ŋgalee as kəmkil dəw tɔl (100) ləm, tadee as kəmkil dəw rɔ-mi ləma, dəree gə́ ḭ gə́ tar as kəmkil dəw rɔ-munda ləm tɔ. Yeḛ unda kəi lé dɔ gajije gə́ gun sɔ ləm, kunda kagje gə́ tɔl dee lé kara to kag-sɛdrəje gə́ to dɔ gajije’g ləm tɔ.

1 Mbaije 7:51

Bèe ɓa kulaje lai gə́ mbai Salomo̰ ar dee ra mbata kəi lə Njesigənea̰ lé deḛ tɔlee bém. Yen ŋga yeḛ odo larnda gə larlɔr gə nékulaje gə́ bɔbeeje Dabid unda dee gə kəmee lé aw ɔm dee mee kəi-nébao’d gə́ to mee kəi’g lə Njesigənea̰ ya.

1 Mbaije 8:66

Ndɔ gə́ njekɔm’g jinaijoo ndá yeḛ ya̰ koso-dəwje ar dee d’aw. Tɔɓəi deḛ tɔr ndu dee dɔ mbai’g lé bèe ɓa deḛ d’ɔd d’aw mee kəi-kubuje’g lə dee gə rɔlel, gə meendakaḭ mbata némeemajije lai gə́ Njesigənea̰ ra gə kura ləa gə́ Dabid, kura ləa gə koso-dəwje ləa gə́ Israɛl lé tɔ.

1 Mbaije 9:10

Rudu ləb gə́ njekɔm’g rɔ-joo lé Salomo̰ tɔl kula kunda kəi gə́ wɔji dɔ Njesigənea̰ ləm, gə kəi gə́ wɔji dɔ mbai ləm tɔ.

1 Mbaije 9:11

To gə́ Iram, mbai gə́ Tir ar Salomo̰ kag-sɛdrəje gə kag-siprɛsje gə larlɔr aree to yaa̰ gə goo ndigi gə́ yeḛ ndigi ndá, mbai Salomo̰ kara ar Iram ɓeeje rɔ-joo dɔ naŋg gə́ Galile tɔ.

1 Mbaije 9:19

gə ɓee-booje lai gə́ to ka̰ Salomo̰ gə́ yeḛ ar dee to loo-kɔm-néje keneŋ asəna gə ɓee-booje gə́ ka̰ ŋgəm pusu-rɔje ləm, gə ɓee-booje gə́ wɔji dɔ njérɔ gə kundaje ləma, gə néje lai gə́ lel Salomo̰ mba ra Jerusalem gə Liba̰ gə ɓeeje lai gə́ yeḛ to gə́ mbai dɔ dee lé ləm tɔ.

2 Sôrta Gḭka Israɛlje 7:1

Loo gə́ Salomo̰ tɔl tamaji ləa mba̰ ndá pər ḭ dara roo nékinjaməs gə́ ka̰ roo ləm, gə nékinjaməs gə́ raŋg ləm tɔ ndá rɔnduba lə Njesigənea̰ taa mee kəi lé pəl-pəl tɔ.

2 Sôrta Gḭka Israɛlje 7:11

Loo gə́ Salomo̰ tɔl kula kunda kəi lə Mbaidɔmbaije, gə kəi lə mbai ləm, loo gə́ kulaje lai gə́ yeḛ wɔji gə mba ra mee kəi’g lə Njesigənea̰ gə kəi lə mbai lé aw lée’g béréré mba̰ ləm tɔ ndá

2 Sôrta Gḭka Israɛlje 8:1

Loo gə́ Salomo̰ ra kula kunda kəi lə Njesigənea̰ ləm, gə kəi gə́ wɔji dəa-yeḛ ləm tɔ, tɔlee bém mee rudu ləb gə́ njekɔm’g rɔ-joo ndá

2 Sôrta Gḭka Israɛlje 8:6

Baalat gə ɓee-booje lai gə́ to loo-ŋgəm-néje gə́ wɔji dəa ləm, gə ɓee-booje gə mbata lə pusu-rɔje ləm, gə ɓee-booje mbata lə njérɔ gə kundaje ləm, gə néje lai gə́ lel Salomo̰ gə mba ra Jerusalem gə Liba̰ ləma, gə ɓeeje lai gə́ yeḛ to mbai dɔ dee ləm tɔ.

Njekillamber 2:10

Néje lai gə́ kəm ndigi koo lé ma m’ɔgee dɔ’g el ləm, ma m’ɔg rɔm nérɔlel kára kara el ləm tɔ. Mbata kula ramje lai lé am m’ra ne rɔlel, yee ɓa gə́ né kama gə́ m’iŋga ya.

Njekillamber 2:4

Ma m’ra kulaje gə́ boo-boo, ma m’unda kəije ləm ləm, ma ma̰a nduúje ləm ləm tɔ,

Njekillamber 6:9

Né gə́ kəm dəw oo lé Maji unda kunda bala néje: Tɔɓəi yee neelé kara To né gə́ gə mḭdé ba ya ɓəi ləm, To gə́ kaiŋgwɔd goo lel’g ləm tɔ.