1 Mbaije 8:9 - Maktub gə́ To gə Kəmee

⁹ Né gə́ raŋg to mee sa̰duk-manrɔ’g lé el nɛ bəgərə mbalje joo gə́ Moyis ɔm dee keneŋ dɔ mbal gə́ Oreb’g, loo gə́ Njesigənea̰ man rəa keneŋ ar Israɛlje ndəa gə́ d’unda ne loo mee ɓee gə́ Ejiptə teḛ lé ɓa to keneŋ.

1 Mbaije 8:9 ပူးပေါင်းရင်းမြစ်များ

1 Mbaije 8:21

Ma m’gɔl loo neelé mbata sa̰duk-manrɔ lə Njesigənea̰ to keneŋ, to manrɔ gə́ yeḛ man ar bɔ síje-je loo gə́ yeḛ ar dee d’unda ne loo mee ɓee gə́ Ejiptə teḛ lé tɔ.

2 Sôrta Gḭka Israɛlje 5:10

Né gə́ raŋg to mee sa̰duk-manrɔ’g lé el, nɛ bəgərə mbalje joo gə́ Moyis taa dɔ mbal gə́ Oreb’g, loo gə́ Njesigənea̰ man ne rəa keneŋ ar Israɛlje ndəa gə́ d’unda ne loo mee ɓee gə́ Ejiptə teḛ lé ɓa to keneŋ ya.

2 Sôrta Gḭka Israɛlje 5:9

Kunda-kagje neelé ŋgal yaa̰ ar dəw askəm koo ta deḛ gə́ dəs loo gə́ to gə kəmee doi lé ya, nɛ a koo raga el. Sa̰duk neelé to keneŋ saar teḛ mee ndɔ gə́ ɓogənè tɔ.

Teḛ-Raga 13:21

Njesigənea̰ aw no̰ dee’g ar mum gə́ mbo̰ na̰ sururu ɔr no̰ dee dan kàrá ləm, pər gə́ uba ŋgɔg-ŋgɔg ndogó rəw no̰ dee’g loondul’g ləm tɔ, mba kar dee d’aw ne rəbə dan kàrá gə loondul’g tɔ.

Teḛ-Raga 14:24

Ta lookàr’g dəb ndá, Njesigənea̰ gə́ si dan pər’g gə dan mum’g lé aa loo oo loo-si njé gə́ Ejiptə ndá, yeḛ ra né ar njé gə́ Ejiptə lé d’aw dɔ na̰’d bèe pum-pum loo-si dee’g.

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Teḛ-Raga 16:33

Moyis ula Aaro̰ pana: Un jo kára ɔm muru gə́ ḭ dara lé keneŋ as ŋgo kára aree rusu ndá unda no̰ Njesigənea̰’g gə mba ŋgəm mbata lə ŋgaka síje gə́ kédé-kédé.

Teḛ-Raga 25:16

Nékɔrgoota-manrɔ gə́ m’a gə kari lé d’a kila mee sa̰duk’g.

Teḛ-Raga 25:21

D’a ra kidata sa̰duk gə́ ka̰ meekoso lemsé ndá nékɔrgoota gə́ m’a gə kari lé d’a kila mee sa̰duk’g tɔ.

Teḛ-Raga 40:20

Yeḛ ɔm bəgərə mbalje gə́ ka̰ godndu gə́ dɔg lé mee sa̰duk kɔrgoota’g. Deḛ tula kunda kagje ta sa̰duk’g ləm, deḛ d’ila kidatea gə́ ka̰ meekoso lemsé ta sa̰duk’g ləm tɔ.

Ejekel 10:4

Rɔnduba lə Njesigənea̰ ḭ dɔ Nékundaje gə́ dara’g aw par gə́ tarəwkəi’g par gə́ naŋg. Mum taa mee kəi lé pəl-pəl ar rɔnduba lə Njesigənea̰ ndogó ɔr loo jol-jol mee gadloo’g lé.

Ləbije 16:2

Njesigənea̰ ula Moyis pana: Maji kari ula ŋgokɔḭ Aaro̰ mba karee andə aw mee loo gə́ to gə kəmee’g dəs njal aw mee kubu gə́ gaŋg ne mee kəi gə́ to no̰ kidata sa̰duk-manrɔ gə́ ka̰ meekoso lemsé’g lé ta-ta el, nà a kwəi, mbata m’a teḛ kəmee’g dan mum’g dɔ kidata sa̰duk-manrɔ gə́ ka̰ meekoso lemsé’g lé ya.

Bula lə Israɛlje 17:10

Ɔrje rɔ sí mbuna koso-dəwje’g neelé ndá m’a gə tuji dee gə́ léegəneeya. Moyis gə Aaro̰ d’oso naŋg bəbərə-bəbərə dəb kəm dee naŋg,

Bula lə Israɛlje 9:15

Mee ndəa gə́ deḛ la kəi-kubu lé mum ɔn dɔ kəi-kubu gə́ to gə kəmee dɔi gə́ mee kəi-kubu-kiŋga-na̰’g lé, un kudee loondul’g saar teḛ gə ndɔ lé mum aar dɔ kəi-kubu gə́ to gə kəmee dɔi’g neelé asəna gə pər bèe.

Tel tura Godndu 31:26

Taaje maktub godndu neelé ndá ilaje mbɔr sa̰duk-manrɔ’g lə Njesigənea̰, Ala lə sí, bèe ɓa a to lée’g neelé gə́ njekɔrgoota kila dɔ sí’g.

Tel tura Godndu 4:13

Yeḛ riba se sí dɔ manrɔ ləa gə́ yeḛ un ndia dɔ’g mba kar sí aaje dəa kər-kər, to godnduje gə́ dɔg gə́ yeḛ ndaŋg dee dɔ bəgrə-mbalje gə́ joo lé.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.

Loo gə́ killa rea kəm Ja̰’g 15:8

Sa pər gə́ ka̰ rɔnduba lə Ala gə siŋgamoŋ ləa to lé taa mee kəi-Ala lé pəl-pəl. Dəw kára kara askəm kandə mee kəi-Ala’g el saar kar rudu tuji-boo gə́ siri lə kuraje gə́ dara neelé un ɗiao.