1 Mbaije 8:7 - Maktub gə́ To gə Kəmee

⁷ Mbata néndaji Nékundaje gə́ dara lé naji bag dee dɔ loo gə́ sa̰duk-manrɔ to keneŋ, deḛ d’ɔn dɔ sa̰duk-manrɔ lé ləm, gə dɔ kunda kagje gə́ to dɔ’g lé ləm tɔ.

1 Mbaije 8:7 ပူးပေါင်းရင်းမြစ်များ

1 Mbaije 6:27

Salomo̰ ar dee d’unda Nékundaje gə́ dara neelé dan mee kəi gə́ to gə kəmee doi’g kɔrɔg. Deḛ naji bag dee ar bag yee gə́ dɔtar ɔrɔ kaar kəi gə́ kára ləm, bag yee gə́ njekɔm’g joo ɔrɔ kaar kəi gə́ kára ləm tɔ, ndá ar ta tel bag dee iŋga na̰ rib dan mee kəi gə́ to gə kəmee doi’g lé.

1 Mbaije 8:6

Njékinjanéməsje d’un sa̰duk-manrɔ lə Njesigənea̰ lé d’aw d’unda loo’g ləa gə́ to kəi gə́ to gə kəmee doi gel bag néndaji Nékundaje gə́ dara’g.

1 Mbaije 8:8

Kunda-kagje neelé ŋgal yaa̰ ndá d’askəm koo ta dee gə́ dəs mee kəi gə́ to gə kəmee doi lé ya nɛ ta dee teḛ raga el. Deḛ to lée’g neelé saar teḛ mee ndəa gən tɔ.

Teḛ-Raga 25:20

Néndaji Nékundaje gə́ dara neelé d’a naji bag dee gə́ tar mba ko̰ ne dɔ kidata sa̰duk neelé ləm, d’a tel kəm dee gə́ rɔ na̰’g ləm tɔ, kəm néndaji Nékundaje gə́ dara lé a to par gə́ dɔ kidata sa̰duk’g ya tɔ.

Esai 6:2

Kuraje gə́ dara gə́ njérɔndɔḭje d’aar dəa’g, deḛ lai lé bag dee misa̰-misa̰, bag dee gə́ joo lé d’o̰ ne kəm dee ləm, njé gə́ joo gə́ raŋg lé d’o̰ ne gɔl dee ləma, njé gə́ joo gə́ raŋg lé wɔji dɔ kḭ ne tar lə dee ləm tɔ.

Bula lə Israɛlje 4:6

d’a kila nékɔn dəa gə́ ra gə ndar da gə́ ɓaree dopḭ ləm, d’a lab kubu gə́ ndul piro-piro dɔ’g ləm tɔ, tɔɓəi d’a tula kunda kagje gə́ ka̰ kodo sa̰duk neelé keneŋ tɔ.

Ǝbrəje 9:5

Néndaji Nékundaje gə́ dara gə́ wɔji dɔ rɔnduba lə Ala to dɔ sa̰duk’g ndá deḛ naji bag dee dɔ kidata sa̰duk gə́ ka̰ meekoso lemsé’g lé. Nɛ ɓasinè to kəm kɔr goo ta néje neelé lai gə́ lée-lée el.