1 Mbaije 8:6 - Maktub gə́ To gə Kəmee

⁶ Njékinjanéməsje d’un sa̰duk-manrɔ lə Njesigənea̰ lé d’aw d’unda loo’g ləa gə́ to kəi gə́ to gə kəmee doi gel bag néndaji Nékundaje gə́ dara’g.

1 Mbaije 8:6 ပူးပေါင်းရင်းမြစ်များ

2 Samel 6:17

Gée gə́ gogo loo gə́ deḛ ree gə sa̰duk-manrɔ lə Njesigənea̰ mba̰ ndá deḛ d’unda lée’g dan mee kəi-kubu gə́ Dabid ra wɔji ne dəa lé. Tɔɓəi Dabid inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ ar Njesigənea̰.

2 Samel 6:2

Tɔɓəi Dabid gə deḛ lai gə́ nai rəa’g lé d’ḭ Baale-Juda d’aw gə mba kar dee ree gə sa̰duk-manrɔ lə Ala, to sa̰duk nee gə́ deḛ ɓar ri Njesigənea̰ gə́ njeboo-néje gə́ njési dɔ Nékundaje gə́ dara’g lé dɔ’g lé ya.

1 Mbaije 6:16

Deḛ gaŋg rudu kəi gə́ to gə kəmee as kəmkil dəw rɔ-joo tɔs kag-sɛdrəje gə́ tɔl dee keneŋ, un kudee naŋg saar aw ne kaar kəi gə́ tar ndá deḛ d’ya̰ ne loo mba ra ne kəi gə́ to gə kəmee gə́ to loo gə́ to gə kəmee doi lé tɔ.

1 Mbaije 6:19

Salomo̰ ar dee ra loo gə́ to gə kəmee doi dan mee kəi gə́ to gə kəmee’g gə mba kunda sa̰duk-manrɔ lə Njesigənea̰ keneŋ.

1 Mbaije 6:27

Salomo̰ ar dee d’unda Nékundaje gə́ dara neelé dan mee kəi gə́ to gə kəmee doi’g kɔrɔg. Deḛ naji bag dee ar bag yee gə́ dɔtar ɔrɔ kaar kəi gə́ kára ləm, bag yee gə́ njekɔm’g joo ɔrɔ kaar kəi gə́ kára ləm tɔ, ndá ar ta tel bag dee iŋga na̰ rib dan mee kəi gə́ to gə kəmee doi’g lé.

1 Mbaije 8:3

Loo gə́ ŋgatɔgje gə́ Israɛl lai ree mba̰ ndá njékinjanéməsje d’un sa̰duk-manrɔ lé ree ne.

1 Mbaije 8:4

Deḛ d’un sa̰duk-manrɔ lə Njesigənea̰ ləm, gə kəi-kubu-kiŋga-na̰ ləm, gə nékulaje lai gə́ to gə kəmee gə́ to mee kəi-kubu’g lé ləm tɔ ndá njékinjanéməsje gə Ləbije ɓa d’odo néje neelé ree ne tɔ.

1 Mbaije 8:7

Mbata néndaji Nékundaje gə́ dara lé naji bag dee dɔ loo gə́ sa̰duk-manrɔ to keneŋ, deḛ d’ɔn dɔ sa̰duk-manrɔ lé ləm, gə dɔ kunda kagje gə́ to dɔ’g lé ləm tɔ.

1 Sôrta Gḭka-Israɛlje 22:19

Ɓasinè lé ulaje rɔ sí ndubu gə ŋgaw meḛ sí bura, saŋgje ne Ala lə sí gə́ Njesigənea̰, maji kar sí ḭje tar raje kəi-si Njesigənea̰, Ala gə́ to gə kəmee gə mba kar sí reeje gə sa̰duk-manrɔ lə Njesigənea̰ ləm, gə nékulaje gə́ d’unda dee gə kəmee d’ar Ala ləm tɔ lé mee kəi gə́ d’a gə ra gə mba ri Njesigənea̰ lé tɔ.

2 Sôrta Gḭka Israɛlje 5:7

Njékinjanéməsje d’un sa̰duk-manrɔ lə Njesigənea̰ lé d’aw d’unda mee loo gə́ wɔji dəa gə́ to mee kəi’d gə́ to gə kəmee doi, gel bag néndaji Nékundaje gə́ dara’g lé.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Pakɔsje 80:2

I gə́ to njekul Israɛlje ləm, I gə́ ɔr no̰ Jisepje asəna gə koso-nékulje bèe ləm tɔ lé Maji kari kɔd mbii ila tag ya. I gə́ si dɔ Nékundaje gə́ dara gə́ tar lé Maji kar ndogó ləi ndogó ɔr jol-jol!

Pakɔsje 99:1

Njesigənea̰ lé o̰ ɓee, Dəwje ndəb ne pəd-pəd, Yeḛ si dɔ kalimbai gə́ to dɔ Nékundaje gə́ dara’g lé tar ndoi Ar naŋg yə ne ɓugu-ɓugu.

Teḛ-Raga 37:9

Néndaji Nékundaje gə́ dara neelé deḛ naji bag dee tar d’ɔn ne dɔ kidata sa̰duk neelé ləm, deḛ tel kəm dee gə́ rɔ na̰’d ləm tɔ, kəm dee to gə́ dɔ kidata sa̰duk’d lé ya tɔ.

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Ejekel 10:5

Kaa bag Nékundaje gə́ dara ɓar saar teḛ mee gadloo gə́ raga asəna gə ndu Ala gə́ Bao-siŋgamoŋ loo gə́ yeḛ pata bèe.

Ejekel 41:4

Yeḛ wɔji duu kəi gə́ to gə kəmee ndá ŋgalee as kəmkil dəw rɔ-joo ləm, tadee as kəmkil dəw rɔ-joo ləm tɔ, tɔɓəi yeḛ ulam pana: Loo neelé ɓa to loo gə́ to gə kəmee doi ya.

1 Samel 4:4

Togə́bè deḛ d’ula kula Silo d’ar dee d’un sa̰duk-manrɔ lə Njesigənea̰ gə́ njeboo-néje gə́ loo-siée to mbuna Nékundaje gə́ dara’g lé ree ne. Opni gə Pines, ŋgalə Eli gə́ joo lé d’aar keneŋ gə sa̰duk-manrɔ lə Ala na̰’d tɔ.