1 Mbaije 8:57 - Maktub gə́ To gə Kəmee

⁵⁷ Maji kar Njesigənea̰, Ala lə sí nai sə sí to gə́ yeḛ nai ne gə bɔ síjeḛ-je bèe, maji karee uba sí ya̰ sí el ləm, gə ya̰ goo sí yɔgɔ el ləm tɔ

1 Mbaije 8:57 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.

Tel tura Godndu 31:6

Waje rɔ sí kɔgərɔ ləm, waje diŋgam meḛ sí’g ləm tɔ. Ɓəlje el ləm, undaje bala no̰ dee’g el ləm tɔ, mbata Ala lə sí gə́ Njesigənea̰ nja a kaw sə sí na̰’d ləm, yeḛ a kya̰ goo sí yɔgɔ el ləma, yeḛ a kuba sí kya̰ sí el ləm tɔ.

Tel tura Godndu 31:8

Njesigənea̰ nja a kaw nɔḭ’g ləm, yeḛ a nai səi ləm, yeḛ a kya̰ gooi yɔgɔ el ləma, a kubai kya̰’i el ləm tɔ, ɓəl el ləm, unda bala no̰ dee’g el ləm tɔ.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Jujé 24:23

Bèe ndá tujije magəje gə́ dɔ ɓee’d gə́ to mbuna sí’g, tɔɓəi tel undaje meḛ sí dɔ Njesigənea̰’d gə́ to Ala lə Israɛlje lé ya.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.