1 Mbaije 8:54 - Maktub gə́ To gə Kəmee

⁵⁴ Loo gə́ Salomo̰ tɔl ta ra tamaji ləa gə ra ndòo ləa rɔ Njesigənea̰’g lé bém ndá yeḛ uba naŋg ḭta no̰ loo-nékinjaməs’g lə Njesigənea̰, lé gə́ yeḛ ɔs kəjee keneŋ ula ne jia ndiŋ gə́ dara lé.

1 Mbaije 8:54 ပူးပေါင်းရင်းမြစ်များ

1 Mbaije 8:22

Salomo̰ aar no̰ loo-nékinjaməs’g lə Njesigənea̰ kəm koso-dəwje gə́ Israɛl, yeḛ ula jia par gə́ dara pana:

2 Sôrta Gḭka Israɛlje 7:1

Loo gə́ Salomo̰ tɔl tamaji ləa mba̰ ndá pər ḭ dara roo nékinjaməs gə́ ka̰ roo ləm, gə nékinjaməs gə́ raŋg ləm tɔ ndá rɔnduba lə Njesigənea̰ taa mee kəi lé pəl-pəl tɔ.

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Lugu 11:1

Ndɔ kára bèe Jeju ra tamaji dəb loo gə́ kára. Loo gə́ yeḛ əw rəa ndá njekwakilá gə́ kára mbuna mareeje’g ulá pana: Mbaidɔmbaije, maji kari ndoo sí loo ra tamaji lé to gə́ Ja̰ ndoo ne njékea̰je bèe tɔ.

Lugu 22:41

Tɔɓəi yeḛ sa rəa rɔ dee’g ɔd aw gə kuree rəgəsə asəna gə kɔri-ər gə́ kun kila piriri bèe ndá yeḛ rəm ɔs no̰ kəjee naŋg ra tamaji pana:

Lugu 22:45

Loo gə́ yeḛ ra tamaji lé mba̰ ndá yeḛ uba naŋg ḭta tel aw rɔ njékwakiláje’g ndá iŋga dee dɔ ɓi’g mbata kəmndoo tɔl dee gə ɓi pərəg.

Néra Njékaḭkulaje 20:36

Loo gə́ yeḛ pata nee ar dee mba̰ ndá yeḛ ɔs kəjee naŋg ra sə deḛ lai tamaji.

Néra Njékaḭkulaje 21:5

Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.