1 Mbaije 8:53 - Maktub gə́ To gə Kəmee

⁵³ Mbata i ɔr dee mbuna koso-dəwje gə́ raŋg’d lai gə́ dɔ naŋg nee mba kar dee tel to kaḭje, to gə́ i pa ne taree njaŋg gə ndu kura ləi Moyis, loo gə́ i ar bɔ síjeḛ-je d’unda loo mee ɓee gə́ Ejiptə teḛ lé, Mbaidɔmbaije gə́ Njesigənea̰.

1 Mbaije 8:53 ပူးပေါင်းရင်းမြစ်များ

2 Samel 20:19

Ɓee-boo lə sí lé dəwje d’isi lɔm keneŋ ləm, deḛ gə́ to majikojije mbuna Israɛlje’g d’isi keneŋ ləm tɔ. Nɛ i saŋg loo mba tuji ɓee-boo gə́ to ko̰ Israɛlje! See gelee ban ɓa i ndigi tuji né ka̰ lé Njesigənea̰ wa.

Teḛ-Raga 33:16

See dəwje d’a gər to gə́ ma jeḛ gə koso-dəwje ləi n’taaje kəmi rəgm to gə́ ban wa. See a to korè gə́ i a korè sə sí rəw na̰’d més lé ɓa, jeḛ j’a tel to ne koso-dəwje gə́ n’toje ɓəd mbuna dəwje’g lai-lai dɔ naŋg nee lé el wa.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Bula lə Israɛlje 23:9

Dɔ sém mbalje’g lé m’oo dee ləm, Dɔ diŋgri-looje’g lé m’aa dee gərərə ləm tɔ. To dəwje gə́ loo-si dee to ɓəd ləm, Deḛ tura dee na̰’d gə ginkoji dəwje gə́ raŋg el ləm tɔ.

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,

Tel tura Godndu 14:2

Mbata seḭ toje koso-dəwje gə́ toje gə kəmee gə mbata lə Ala lə sí gə́ Njesigənea̰. Ala lə sí gə́ Njesigənea̰ mbər sí gə mba kar sí toje gə́ kea̰je ya mbuna koso-dəwje lai gə́ dɔ naŋg nee.

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.