1 Mbaije 8:34 - Maktub gə́ To gə Kəmee

³⁴ maji kari oo ndu dee mee dara’g, ar məəi oso lemsé dɔ kaiya ra koso-dəwje’g ləi gə́ Israɛl ndá tel sə dee mee ɓee gə́ i ar bɔ deeje-je lé.

1 Mbaije 8:34 ပူးပေါင်းရင်းမြစ်များ

Gḭ-Néje 13:15

Mbata dɔ naŋgje lai gə́ i oo lé m’a kari gə́ kaḭ ya doŋgɔ doi ləm, gə ka̰ ŋgakaije saar-saar gə no̰ ləm tɔ.

1 Mbaije 8:30

Maji kari tuga mbii oo ne ndòo ra lə kura ləi ləm, gə ka̰ koso-dəwje ləi gə́ Israɛl ləm tɔ, loo gə́ d’a ree mba ra tamaji lée’g neelé. Maji kari oo ndu dee loo-sii’d gə́ mee dara’g lé tɔɓəi loo gə́ i oo ndu dee ndá maji kari ar məəi oso lemsé dɔ dee’g ya.

1 Mbaije 8:33

Loo gə́ njéba̰je lə koso-dəwje ləi gə́ Israɛl dum dɔ dee mbata kaiya gə́ deḛ ra d’ɔsi ne rəw lé ɓó lé deḛ tel ree rɔi’g d’ula rɔnduba dɔ rii’g ləm, ɓó lé deḛ ra tamaji gə ra ndòo rɔi’g mee kəi’g neelé ləm tɔ ndá

1 Mbaije 8:35

Loo gə́ kəm dara udu ar ndi ər el mbata kaiya gə́ deḛ ra d’ɔsi ne rəw lé, ɓó lé deḛ ra tamaji lée’g neelé d’ula ne rɔnduba dɔ rii’g ləm, ɓó lé deḛ d’uba goo kaiya ra deeje d’ya̰ mbata i ar bo̰ néra dee ɔs ta dee’g ləm tɔ ndá,

Pakɔsje 106:46

Yeḛ ɔs njékwa dee gə́ ɓərje lé Ar meḛ dee aw taḭ-taḭ dɔ dee’g ləm tɔ.

Pakɔsje 106:47

Njesigənea̰, Ala lə sí, maji kari aji sí ya, Maji kari ar sí j’ḭ mbuna ginkoji dəwje gə raŋg’g mbo̰ dɔ na̰ Mba kar sí j’ilaje riɓar dɔ rii gə́ to gə kəmee doi’g lé ləm, Mba kar sí nduba rɔ sí ká m’pidii ne ləm tɔ.

Pakɔsje 85:2

Ǝi Njesigənea̰, i ra né gə́ maji mbata ɓee ləi ya, Njé’g lə Jakob gə́ d’wa dee gə́ ɓər lé I nja ɓa tel sə dee ree sə dee ɓée.

Teḛ-Raga 6:8

M’a kaw sə sí mee ɓee gə́ ma man ne rɔm gə mba kar Abrakam, gə Isaak, gə Jakob lé, ma Njesigənea̰ lé m’a kar sí gə́ né ka̰ sí-seḭ ya.

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Jeremi 32:37

Aa ooje, m’a kḭ sə dee mee ɓeeje lai gə́ m’tuba dee m’ɔm dee keneŋ gə oŋg, gə meekḭ jugugu gə boo-meekḭ pu lé tel ree mbo̰ dee dɔ na̰’d na̰’d ləm, m’a ree sə dee lée’g neelé ləma, m’a kar dee d’isi keneŋ gə meekulɔm ləm tɔ.

Loo gə́ killa rea kəm Daniel’g 9:12

Taje gə́ yeḛ gaŋg dɔ sí’g gə dɔ mbaije’g lə sí gə́ d’o̰ dɔ sí lé yeḛ ar dee d’aw lée’g béréré tɔɓəi yeḛ ar tuji-boo teḛ dɔ sí’g tɔ. Tuji-boo gə́ teḛ dɔ Jerusalem’g lé d’oo garee togə́bè dɔ naŋg nee kédé el.

Loo gə́ killa rea kəm Daniel’g 9:19

Ǝi Mbaidɔmbaije, maji kari oo ya! Ǝi Mbaidɔmbaije, maji kari ar məəi ti mbidi! Ǝi Mbaidɔmbaije, ur mbii gèŋ! Ra né ɓó, tila gə tila el mbata meenoji ləi-i ya, əi Ala ləm! Mbata rii ɓar dɔ ɓee-boo’g lé ləm, ɓar dɔ koso-dəwje’g ləi ləm tɔ.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Amɔs 7:2

Loo gə́ deḛ d’o̰ muje gə́ dɔ naŋg’d nee lai-lai lé ma m’pa pana: Mbaidɔmbaije gə́ Njesigənea̰, m’ra ndòo rɔi’g, ar məəi oso lemsé ɓòo ŋgaka Jakobje d’a si kəmba to gə́ ban wa. Mbata siŋga dee as el.

Tel tura Godndu 30:1

Loo gə́ néje lai nee d’a teḛ dɔ sí’g, ndutɔr gə ta ndɔl gə́ ma m’unda no̰ sí’g lé ɓó lé seḭ taa deeje gə meḛ sí mbuna ginkoji dəwje’g lai gə́ Ala lə sí gə́ Njesigənea̰ a gə tuba dee no̰ sí’g ləm,

Tel tura Godndu 30:4

Lé d’a kwa sí kaw sə sí kaw kila sí gwɔi dara’g kara Ala lə sí gə́ Njesigənea̰ a mbo̰ sí dɔ na̰’d kar sí ḭje lé gə́ neelé ləm, lé gə́ neelé ɓa yeḛ a kaw saŋg sí keneŋ ləm tɔ.

Jujé 21:43

Togə́bè ɓa Njesigənea̰ ar Israɛlje ɓee lé gə lé bura moŋgoŋgo̰ to gə́ yeḛ man ne rəa gə mba kar ka deeje lé, deḛ taa ɓee neelé gə́ né ka̰ dee-deḛ ləm, d’isi keneŋ ləm tɔ.